已有兩三年沒有揹著我那數碼單反Canon EOS30D旅遊了，直手柄雙電池加上17-55恆定光圈鏡的重量實在驚人，加上各樣濾鏡零件，要揹上一整天實在是項體能的挑戰。所以，如果有部細相機但相片又可影到大機的質素，那實在是最好不過。所以，在Canon S95和Olympus XZ-1兩者之間，我選擇了XZ-1。XZ-1除了有更大的光圈外，相片質素亦非常接近數碼單反，那是S95未能做到的，這應該是現時小機市場上最好的選擇。當然，MICRO 4/3糸列的相機不在此比較行列。
上星期去了荷蘭和比利時一趟，雖然有部輕便的XZ-1，但當地的風景和古蹟實在優美，於是決定揹著沉重的30D，和輕巧的XZ-1一同上路。
雖說XZ-1所拍的相片質素非常高，但仍敵不過30D的深度和細膩。反覆重看照片之後，沒有後悔為難了我的左肩膊。我那30D，還將會跟隨我到世界各地闖蕩。
近來有部份香港人「搶購」食鹽，我只覺得是無常識的表現，並唔存在暴力問題。「搶購」二字，我覺得只係誇張比喻手法，始終香港人會排隊會付錢購買。如果我排頭位一次過買五噸鹽又算唔算係暴力行為呢？雖然我唔會咁愚昧，就算有需要亦主張買一份夠用就可以，但無論响文明自由社會或非文明專制社會裡，你可以話呢種做法唔理智，但就唔算係暴力。餐廳酒店亦可以包廂包場，我預早排隊預約，有足夠本錢購買力，先到先得，合理合法，何來暴力之言? 但如果當中有人打尖，搶奶粉搶鹽唔俾錢，咁就先算係暴力行為。所以，如果一見「搶購」呢兩個字就認定呢種行為暴力，那就等同梁燕城博士解釋「盲目胡混的詭辯」為「生物失去視力，胡塗地混亂帳目或男女發生同帳的婚外性行為的詭辯」一樣的了。
如果我著件低胸衫去街
>>>下次早d通知我, 我得閒的。當然, 我目及你係好正常的,如果我問你攞電話, 當然係因為你索; 但如果警察因為你著deep v 過黎抄你牌, 甚至抽水, o甘就有問題了。
即係有o甘既case出現, 係警方問題, 而唔係在於你著成點既問題。
你明唔明 ? 唔明, 出黎傾下好wor, 你記得著件低胸衫wor~~
當一男一女辯論時，如果男方以性騷擾來攻擊女方，這個男人必定是猥瑣兼小器，完全沒有男人應有的風度。而且，男方對以女方性騷擾，女方又不能以同樣方法反擊，難道要女的說：「好呀，你記得著開襠褲等我」麽？如果你說我冇品，你亦非男人之輩。而我，只是以牙還牙，雙倍奉上而已。
我會記低你既comment, 等大家認識閣下內心的齷齪 ! !!!!
後記，所謂的提倡公義、自由及人權，原來只是掩眼法，只道出利己的片面，隱藏自己的醜惡。刪吧，你刪走我的留言，也刪不走你的暗險，嘿！
延伸：冇品
延伸：好心不是這樣的
如果我同你講：「喂，樂聲出咗部最新型號嘅洗衣機，體形比上一代更纖細慳位，而且總係洗衣乾衣兩用。呢部新洗衣機洗得更多衫之餘，總會慳水33個percent，乾衣比以前快二十分鐘，總有紅外線殺菌功能。全電腦自動化控制，可因應唔同衫量控制洗衫時間、水量及洗衣粉份量。內置MP3播放器，於洗完乾完衫之後播放悠揚音樂提醒你乾淨衫已為你準備好，而且衫褲總一啲都唔會皺。新機有齊黑、白、紅、橙、黄、綠、青、藍、紫多種顏色於第一日發售時任你選購，跟機還送彷真皮保護套，價錢同上一代嘅一樣，絕對係吒咜二零一一年嘅劃時代家品，快啲上網預定啦，遲咗就要等好耐架啦！」
聽到呢度，你會講：「黐線！」然後一嘢敲爆我個頭！
好，我再同你講：「喂，西門子出咗部新雪櫃，體積大小同上一款一樣，但存放食物空間多20%。全電腦控制，分六個泠凍區域，按唔同食物種類及份量控制冷凍温度，幫你慳電高達40%。新設後備電池，大停電時可自行提供電力，備用時間達一星期。內置RFID，快速食物條碼素描，提醒你邊種食物缺貨，永遠在線即時幫你上網訂貨，快捷方便。新雪櫃除咗有齊黑、白、紅、橙、黄、綠、青、藍、紫多種顏之外，總有不銹鋼、木紋、真皮等等唔同質感任你選擇。當呢個雪櫃推出之後，今年，絕對係copycat之年！快啲上網預定啦，潮人必備！」
聽到呢度，你一定會鈡我雞心再打臉。
想一想，上一次換屋企部有線電話係幾時？床頭個鬧鐘用咗幾耐？會唔會因為慳水慳電而換一個總用得嘅洗衣機？到底我哋追捧嘅係科技，抑或係潮流？我哋要嘅係舒適感，抑或係虛榮感？
獅子座嘅我，虛榮感滿瀉。守咗三十幾年繼2E之後，我諗我應該會失守於pad2掛，唔知呀，等著瞧啦。
