Love Greeting

受友人嘅影響，近排對音樂嘅品味都有變化。從前揸車時會聽中文流行曲，依家竟然會將收音機調較去古典音樂台。聽咗一排古典樂之後，發覺原來聽古典樂係可以舒緩情緒，減少咗因某啲交通事況而令自己發脾氣嘅時刻，揸車都會安全啲。

昨晚飯後揸車回，聽到一篇好熟悉而又好悅耳嘅古典樂章，幾經辛苦撓晒頭之後先醒起原來响某一首流行曲之中聽過，原來呢首流行曲係用咗呢首古典樂來個cross over。聽收音機時又忘記聽呢首古典樂叫咩名，但又想聽返呢首曲喎，所以今朝就花咗些少時間，憑少少嘅記憶同資料上網揾返首古典樂出嚟，同大家講聲牛年順景，事事如意。