星期五, 3月 30, 2007

話之得你

做做做做到腳都痛終於嚟到三十號嘅星期五咪話話話我唔做好呢份工呀一於準時熄電話任何Service Call一律免免免問話之得你唔等得嘅就去死死死啦咪L阻住我同班朋友一齊踏足阿阿阿美利堅有乜公司嘢就留返清明拜拜拜山先講依家最好就係見嘢就食係咁食食食食死佢見到邊個唔順超就揼係咁揼揼揼揼L7佢見床就瞓係咁瞓瞓瞓瞓死佢嘩咪啦都係趁記得拿拿淋掟定兩隻哥哥CD上車先一路揸車一路眼濕濕咁先夠過過過癮架嘛…

星期二, 3月 27, 2007

推理測驗

邏輯推理題:

請細心閱讀,然後作答。

A迷戀B足足十三年,A人生最大的目標是近距離接近B。

C為實現A的願望,除了不惜一切地把家產房屋變賣外,更把自己的腎臟賣掉,讓A有足夠的金錢去見B。

B知道這件事後,痛斥A的行為不正常及不正確。

C見A仍未能與B單獨見面,憤然留下遺書指責B沒有良心,然後跳海自殺。


問題:

誰是誰的父親? (10 分)

誰是誰的偶像?(10 分)

誰人有精神病?(10 分)

誰人是「懶有型」的家長?(10 分)

誰人不忠不孝?(10 分)

誰人最自私?(10 分)

誰人最愚蠢?(10 分)

誰人最沒有良心?(10 分)

C的死,誰人該負上最大責任?(10 分)

誰人最抵死?(10 分)

星期一, 3月 26, 2007

她的出現

她的出現,令我的生活增添了不少樂趣。
她的出現,令我明白到人與人之間最好的相處方式是互相尊重。
她的出現,令我發現自己原來是會這麽的縱容。
她的出現,令我懂得怎樣保護弱小。

生日快樂!


星期日, 3月 25, 2007

褓姆傳聞

以下故事內容純屬傳聞,如有雷同實屬巧合。

美國一寧靜小鎮,一對夫婦盛裝參與一派對,而他們的一對年幼兒子便由褓姆看管。

入夜後的小鎮,四周漆黑一片,寂靜非常。如果一個人於晚上獨自處身一間大屋之中,往往會有不寒而慄的感覺。不過,住在這裡的人,已經習慣了這種生活,日出而作日入而息,況且,他們選擇住在這裡,也是喜歡這裡的寧靜。

弄過晚飯後,褓姆便和這對小孩子說說故事唱唱歌,然後安頓他們上房睡覺。

褓姆從睡房回到廚房,看到一大堆未洗的碗碟,不禁嘆了一口氣。

「反正,收了人工,又不是很複雜的工作…」褓姆心想,於是便動起手來清洗碗碟。

洗碗過後,褓姆便沖了杯咖啡,然後安坐在沙發上看電視,彷彿是一日辛勞後最大的報酬。

北美洋鬼子的文化就是這樣,明明所做的只是一些容易的工作,但是又自覺自己做了一些驚天地泣鬼神的事情一樣,做少少事便說疲倦要休息云云。在中國人的社會裡,對別人於工作上的關心我們會說句加油。但是北美洋鬼子則會說「Don’t work too hard。」

電視的節目都是一般的沉悶清談節目,而褓姆則在不知不覺中躺在沙發上睡著了。

鈴鈴… 鈴鈴… 電話突然響起,把睡著了的褓姆嚇醒了。

褓姆拿起聽筒,誰知傳來了一把低沉的男人聲:「我在上面和孩子一起,你快些上來吧…」

褓姆拿開電話筒,聽聽樓上有沒有怪聲。沒有。褓姆心想這只是一個惡作劇電話,於是掛線。

褓姆又漫無目的地拿著電視遙控不停地轉台,沒多久,又睡著了。

鈴鈴… 鈴鈴… 電話又突然響起,又把睡著了的褓姆嚇醒了。

褓姆接過電話,電話又傳來那把男人聲:「我在上面和孩子一起,你快些上來吧…」

褓姆今次罵了對方幾句便掛線。不過,褓姆今次越想越氣忿,於是打電話給警察局報告,警察局著褓姆如果對方下次再打來時記得拖延時間,好讓他們可以追蹤對方的位置,然後把他拘捕。

鈴鈴… 鈴鈴… 電話再次響起,又是那把男人聲:「我在上面和孩子一起,你快些上來吧…」褓姆本想說話拖延時間,可是,對方掛線了。

一分鐘後,電話又響起。

今次是警察局打來:「快走!電話是來自你家的分機!」

這時,褓姆突然聽到有人衝落樓梯的聲音,她便嚇得逃出大門口。

跑出了大門口,褓姆一不留神絆到了,突然間,有一男子把她抱著…

原來是警察,褓姆定一定神,然後看見警察們一起擁入屋內。

警察在屋內制服了一名持刀男子,然後在房間內發現了兩名死狀可怖的孩子屍體…

神秘傳聞

喺好耐以前,火某有位好抵死嘅朋友講咗個傳聞俾我聽。今日,火某唔想太用腦,所以就抄抄寫寫講故仔,將呢段傳聞同大家分享分享。或者會有人曾經聽過呢個傳聞,聽過嘅就skip啦。不過,講之前點都要整番段聲明先:

以下故事內容純屬傳聞,如有雷同實屬巧合。
以下故事內容含有色情成份,意識極度不良,Viewer discretion is advised。
以下故事內容含有種族歧視成份,不喜勿看。

非洲,一個充滿神秘的地方,是世界各國探險家為之傾心嘅樂園。

某年,三位分別來自日本、美國同印度嘅探險家相約一齊去非洲探秘。以佢哋咁多年嘅探險經驗,無論遇到幾咁惡劣嘅環境都可以應付得嚟,所以,佢哋對呢段遊程充滿期待同信心。

非洲地域荒無,天氣悶熱,森林裡猛獸蛇蟲鼠蟻極多,一般人都會很難適應呢度嘅環境。但係呢三條探險發燒友,好快就適應咗非洲嘅環境氣候,全程無涼沖都唔係問題,醃蟹醃足成個月都係等閒事。佢哋心裡最驚嘅,就係瞓瞓吓覺果時有啲獅子老虎出現,如果真係遇到嘅話就真係實死無生啦。

好好彩,呢三隻腥蟹都未曾俾啲猛獸襲擊過,可能係太腥嚇走晒啲獅子老虎嘅關係啦。

呢一日,呢三隻蟹喺個原始森林裡發現咗一條村莊,佢哋就好興奮咁衝去條村到同班土人What’s up What’s up一番。

呢班土人見到呢三條生番,初頭都有啲愕然,但係到最後,佢哋對呢三條友都放低咗戒心,仲好熱情咁款待佢哋添。

是日晚上,呢班土人帶呢三條友去個火爐旁邊,呢三條友一睇,嘩,乜咁多土人咁俾面出晒嚟呀,今晚呢餐晚餐一定係好豐富嘞,熊掌豹膽虎鞭鹿尾巴一定無走雞。

當佢哋仲流緊口水嘅時候,突然間,呢班土人就圍住佢哋,然後用一支支嘅長茅指住佢哋。

呢三條友依家先意識到佢哋走咗入一個食人族部落,佢哋正係呢班土人今晚嘅晚餐。

呢三條探險家,點會俾自己死得咁容易吖,於是就同呢班土人講數,兼且大吵大鬧,要見族長云云。

食人族族長最後都肯出嚟見佢哋,呢三條探險家見機不可失,就同族長猛開條件,又送呢樣又送果樣,希望族長能網開一面,放佢哋一條生路。

族長諗咗一陣,就突然間解開自己嘅褲頭帶。細心啲睇,嘩嘩嘩,條褲頭帶其實係族長嘅…嘅… 足足有廿寸長!

族長然後同呢三條友講,如果你哋三個夾埋有我咁長嘅話,你哋就走啦。如果無嘅話,你哋就,嘿嘿嘿…

難得有機會唔駛死,印度佬於是就一馬當先,除咗自己條褲,哇,有十一寸,厲害厲害。

然後到美國佬,除褲一睇,好傢伙,有八寸喎。印度佬同美國佬都鬆咗一口氣,然後一齊用好老定嘅眼光望向日本仔。

佢哋淨係見到條日本仔伸咗隻手入褲內,扭扭擰擰,面有難色,尷尷尬尬,想除又唔除咁,印度佬同美國佬都開始擔心。

日本仔終於除褲,哇,真係險過剃頭呀大佬,啱啱好一寸,短小小都無命呀陰9公!

就咁,呢三條大命嘅探險家就襯族長未改變主意之前,即刻著草。

出咗食人族村落範圍後,印度佬同美國佬就開始責怪日本仔,話爭啲俾佢累死,嚇親佢哋云云,一路怨,一直都無停過。

日本仔終於忍唔住,同印度佬美國佬講:「好囉喎,話夠未呀?你哋應該感激我嘅聰明機智就真,你哋睇唔到我响除褲之前喺度猛咁捽咩!?」

星期日, 3月 18, 2007

耐人尋味




嗱嗱嗱,
咪話火某心地唔好呀吓。
公仔似,仲要押埋韻添。
死未?

星期六, 3月 17, 2007

不惜一切

火某雖然於年幾前轉了工作部門,但仍然同舊部門關係密切,工作範疇也須要兩邊走,可謂全天候打雜一名,打遍天下豬頭骨。前日,舊部門阿頭Jeff來電,要求火某放下手頭上所有的工作,全力應付一單新工程。

火某原本跟開的工程,是一所有眼有蜜蜂又姨媽到的電腦開發商,並安排於下星期開始工作。

最近,公司同本國一間大型家居設備連鎖店簽了合同,本月生效。該連鎖店分店眾多,而地點又分散得很,以現在公司工程人員的數目和工作量來看,一定應付不來。

其實在這個星期,火某和同事Jim已經全力應付這單工程。但是這間家居設備店的分舖著實太多,而且Jim亦於下星期休假,所以,人手短缺的問題出現了。

但是,電腦開發商又財雄勢大,又不可貿然得罪。

於是,火某在電話中回答舊部門阿頭Jeff,說不可能推掉下星期的工程,因為會帶來極大的麻煩,Jeff說嘗試再安排吧,然後掛線

今日返公司交Timesheet時,經過Jeff房門口,他便叫火某入房。

「Crane, let me explain the situation to you, we have to get this job done by the end of March, AT NO COST! 」

不惜一切任何代價也要把這項工程於四月前完成,這麽嚴重?火某心想這張合同定是天文數字,甚至比電腦商的更大,所以亦不敢再次推搪,唯有要得罪姨媽到的電腦商,把工程延期。

看來,公司今次真是不惜一切地要火某硬食姨媽巾了。

丟架

初中時候,有位同學仔想挑戰老師,於是舉手企起身發問一D帶有留難性嘅問題,點知佢功力未夠,被老師指正番轉頭。呢位同學仔呢,就覺得好難落台所以要包拗頸死撐,同老師僵持咗好耐,拖咗好耐時間,而一眾嘅同學仔又開始議論紛紛,終於有一位同學嗌咗句出嚟:「喂,你講聲sorry跟住坐番底咪算囉!」當時,全班男男女女同學都捧腹大笑。

「面,係要人俾;但係,架,係自己丟嘅。」

好同意周星馳呢句對白。人,有好多戇居嘢都係自己攞嚟出醜嘅。不過咁,邊有人一生出嚟就咁醒,識得寫個「醜」字吖?所以呢,出醜唔係問題,最緊要係知道自己衰乜同埋肯承認自己嘅不足,「哈哈哈」笑三聲輕輕咁帶過咪算囉,人哋見到仲會覺得你EQ高添。一味死撐東拉西扯又要扮有型有款有性格,咪自己攞架嚟丟。如果下一代又有樣學樣嘅話,咁就… 唉。D人成日話新一代嘅後生唔識禮貌目中無人,其實關佢吔咩事吖?罪魁禍首,其實咪係教育佢哋果班人,同埋一D懶有型嘅父母,囉。

星期五, 3月 16, 2007

聽首歌先

今日返工, 電台竟然播咗一首火某細細個成日聽但又唔係咁HIT嘅歌,突然間百般滋味在心頭。

唔講住,合埋眼,聽歌先啦

下一篇題目預告:NO COST

星期日, 3月 11, 2007

趣怪現象

上星期五,天氣開始回暖,陽光普照,火某一邊唱歌「晨早起床 清新開朗,陽光溫暖 帶來無限美 ~」一邊帶著開心輕鬆的心情上班。那日的工作地點是一間貨倉,火某準時於八點到達,準備會合同事Keith。

到八時二十分,仍未見Keith的踪影,於是撥電話找他。

「Hey Keith, are you going to meet me up at XXX street?」

「You’re there now?」Keith是英國人,說話帶著濃厚的Elton John口音。

「Ya.」

「I’m in office right now.」

「Oh Shit…」我們的總部離這裡大約要一小時車程(繁忙時間),加上要交time sheet,expense sheet,和同事social,被上司訓話等等,Keith至少要到十時才能到達。

「Don’t worry Crane, I’ll be there soon, grab a coffee and take your time.」

「OK, see you then.」

然後,火某便駕車去了附近一間本國著名的咖啡連鎖店嘆杯啡,食個Bagel。

拿著熱騰騰的咖啡和bagel,坐下,望出窗外,看見一輛輛的氣車正在排隊,準備買咖啡。

這是所謂的Drive Thru。Drive Thru的意思,是讓駕車的司機們不用下車便可購物,方便快捷。如果香港有這種服務出現,簡直是匪夷所思。不過,Drive Thru在外國很流行。現在,銀行提款機亦有Drive Thru服務,問你死未?

洋鬼子有兩種飲品可以喝很多,一是啤酒,二是咖啡。礙於上班不可喝酒,所以,Coffee Break,已經是本國根深蒂固的歷史文化,這亦是受國家一級保護的休息及社交藉口。

正因為咖啡文化在本國國民心裡根深蒂固,於是,這家咖啡連鎖店便首次在國外開了一間分店,好讓被我們支持打仗的總理派去所謂維護世界和平的本國軍人在鎗林彈雨下仍然可以享受到家鄉的咖啡味道。沒錯,分店是開在伊拉克,而且還用了納稅人的金錢來投資。喂!火某雖然喜歡隻揪,但是可不贊成國家參與戰爭,尤其是本國的軍事裝備是何等的不堪一擊。而那些軍人,總不會在鎗戰中突然彈出一句「Hold the fire, let’s have a coffee break!」吧。

說回話來,排隊進Drive Thru買咖啡的車輛越來越多,已經開始圍繞咖啡店打蛇餅了。看看店內的Service counter,只有寥寥數人正在排隊。

火某心想,如果要節省時間,為可不泊下車子,然後行入店內購買咖啡呢?這絕對比Drive Thru快很多。

花更多的時間用Drive Thru服務,是不是有違Drive Thru的原意呢?
______________________________

講開這間本國著名的咖啡連鎖店,每逢每年的二月到三月,也會有一個飲咖啡贏大獎的遊戲,名叫「Roll Up The Rim To Win」。顧名思義,顧客每買一杯咖啡,便可參加抽獎,而中獎的標記,就藏在咖啡紙杯卷曲的杯邊(Rim)內。當顧客喝完那杯咖啡,只要將杯邊卷起(Roll Up),便可知中獎與否。

可是,那些卷曲的杯邊是很難卷起的,好些人要費盡九牛二虎之力又咬又拉又扯才能把它卷起。於是,本國有位細心但無聊的男子便發明了一個夾子,叫Rimroller,方便國民把這個杯子的杯邊卷起,這亦是上一篇無獎遊戲的答案。

至於怎用,看看這裡

星期五, 3月 09, 2007

男廁閒談

有乜嘢係男廁有而女廁無呢?好簡單,係尿兜(urinal)。

男女生理結構唔同,尿兜嘅設計,係响男人小解果時,方便「準確」D,而且仲可以慳水慳位兼慳時,符合環保及經濟原則。

個人觀感及用後感,比較喜歡舊式鑲落牆度由腰位一直落到地面嘅長尿兜,大男人細路仔都啱用。

可能係成本同埋維修艱難嘅問題,依家,差唔多全部男廁都用細尿兜,掛响牆上面。

呢種細尿兜同舊式嘅長尿兜,分別唔大,只要整番一兩個矮D嘅俾細路仔用就得嘞。

不過有時,都有D戇居嘢出現。

戇居嘅係,有時會(遇到)一D安裝得比較高嘅尿兜。

安裝得較高嘅尿兜,俾NBA球星用,絕無問題。

俾一般普羅大眾用,或者都唔係好大問題。

火某都係一般普羅大眾,唔係矮仔,但係唔知係天生抑或後天發育得比較良好嘅關係,响呢D尿兜度小解嘅時候真係要無時無刻咁打醒十二分精神。如果一唔覺意一鬆手呢,就會即刻浸落D水度,你都咪話唔恐怖!

各位室內設計師及則師們,下次量位擺尿兜時,可唔可以擺矮D呀?
______________________________

講開廁所,今朝坐喺個廁所睇報紙時,睇到一篇由舒展超寫嘅「改拍之逃」,寫話如果無線改拍「逃」嘅話,由邊位小生去演最適合,睇落都幾過癮。「逃」(Prison Break),電視精火某已經睇到2.19啦,如果爆咗D內容出嚟呢… 聽俾人追殺都似,到時真係唔逃唔得嘞。不過,跟阿舒展超大俠一齊幻想吓都得掛?

Michael Scofield
舒大俠話吳卓羲。
吳卓羲咁戇直,兼又後生咗D喎。火某本來諗鄭嘉穎,不過又覺得另有更適合佢嘅角色,不如就郭晉安啦。

Lincoln Burrows
舒大俠話歐陽震華。
唔係吓化?歐陽震華最好飾演俾阿Warden Pope革走咗嘅C.O. Geary。Lincoln咁嘅款,黃德斌幾似。

Fernando Sucre
舒大俠話黄德斌。
黄德斌做咗Lincoln,咁,Sucre呢個為女生為女亡嘅戇直角色,俾番吳卓羲啦。而佢個女友Maricruz,當然非官恩娜莫屬啦。

Brad Bellick
舒大俠話郭鋒。
郭鋒演呢個角色幾好。

T-Bag
舒大俠話謝天華。
呢個真係一絕,謝天華做D變變態態嘅角色最耍家。

好嘞,舒大俠就講到依到,跟住嘅火某繼續…

Sara Tencredi
邵美琪幾入型入格,專業得嚟又有D抑藥feel,不過可能成熟咗D,未必夾到郭晉安。火某寧願揀吳美珩。

Veronica Donovan
宣萱,律師角色太深入民心。

C-Note
林保怡D表情真係似到十足十。

John Abruzzi
叫鼎爺李家鼎留長頭髮啦。

Warden Henry Pope
秦沛。

Agent Kellerman
心狠手辣,但又有D搞笑,陳豪。

Agent Mahone
輪到鄭嘉穎嘞,因為火某仲好記得佢喺「爭分奪秒」裡面嘅角色。

President Caroline Reynolds
Errrr… 不如玩吓嘢,由呂秀蓮粉墨登場,由佢嚟毒害陳水扁,夠晒精彩啦掛!?
______________________________

同兩隻熊貓命名,就不如叫「煲呔」同「袋巾」,吖,問!
______________________________





無獎遊戲:估吓呢樣07年最新嘅發明係乜?點樣用?

星期三, 3月 07, 2007

良好服務

同一班死黨老友出街食飯,一路吹水一路食,就算啲食物係幾咁難食都好,只要食得窮兇極惡不拘禮節,都可以食得開心過癮。

食得窮兇極惡,即係話唔理啲食物嘅價錢同份量,抑或「了能」唔「了能」,想食咩就叫咩,一於同班老友出錢又出命,食到有今晚無明天,做隻飽鬼再上路。

食得不拘禮節,即係話劈埋啲乜鬼餐枱禮儀喺一邊,無論你大啖細啖用刀用叉用筷子用手飛象過河都無所謂。客氣?對老友要客氣嗎?

白灼基圍蝦,搣開個蝦頭一啜,蝦膏即時啜上腦,再搣蝦殼,沾豉油,極品。

一手拎起隻充滿黄油膏嘅蟹脚,大啖咬落去,啜咗啲蟹膏同蟹肉落肚,然後再吐番啲蟹殼出嚟,暢快。

但係喺呢個時候,怪事通常都會出現。

唔知你有無試過,當你正在好專心咁吐番啲蟹殼响隻茶杯碟嘅時候,十次有九次都會有隻手突然响你身邊伸出嚟,攞走你隻茶杯碟,然後隻手又會自動將一隻新嘅茶杯碟擺番喺你面前,等你可以繼續「LUR」骨?

當火某遇到呢種良好服務態度嘅時候,就一定會扯火。

唔係話幫個客換骨碟唔啱,而係,要睇時候。

侍應幫客人換骨碟,應該係公司政策,好讓客人從呢種良好嘅專業態度中感受到尊重體貼關懷賓至如歸。

但係,當「LUR」緊骨嘅時候嚟換碟,火某就完全感受唔到體貼關懷喎,因為我覺得你响度騷擾緊我享受食物,簡直係唔尊重。

侍應要專業,要識得為客人設想,就請等客人食完一道菜之後先至好同佢哋換碟。機械式嘅所謂禮貌工序,只會令人討厭。

下次再遇到呢個情況,火某就會學蔡瀾先生嘅反應,同個侍應講:「叫你老闆嚟,順便叫佢換埋你。」

星期一, 3月 05, 2007

揣測心思

先來一個例子:

有一個男人不經意地說了一句:「我愛明哥。」
然後,一些有心人便開始揣摩這個男人說這句話的背後意思是怎樣怎樣,如:
「唔… 呢條友係達明一派嘅Fans。」
「呢條友係達明一派嘅Fans,不過就欣賞黄耀明多D。」
「er… 佢好似抹煞咗阿達哥嘅才華喎。」
「呢條友鐘意D另類D虛無飄渺D嘅音樂。」
或者,可以再扯遠些:
「呢條友應該跟咗個大佬叫阿明哥定啦。」
「呢條友係同性戀。」

好,這個題目是說,一句,或一段說話,無論是有心,抑或無意,總會引來其他人對當時人當時的心態、精神狀況、背後用意等等進行多方面的分析,就如渣估兄提及的江澤民扯火事件,眾人對江澤民扯火的背後意思,和張寶華是否naive,意見真是多不聲數。但重點是,誰人的分析最客觀最準確呢?而準確,又用甚麽準則去判斷呢?

火某想,應該沒有最客觀最準確的分析,更沒有準則去判斷誰的分析最準確。

所以,這是揣摩別人心思,而不是百分百肯定別人的意思的。

不同的傳播媒體,對時人時事均有不同的觀點。當某些政客說完一番說話後,時事評論員便會依照政客們的說話進行分析,然後道出政客的背後意思目的。即使,有十個所謂專業的時事評論員來為一番說話進行理解分析,他們對該番說話的觀點也沒有可能一模一樣,再接近的觀點意見亦總會有些些微差異的。因為,他們不是政客本人,跟本沒有可能完全知道別人在想甚麽,再者,有時那些政客連自己真正在想些甚麽自己也不知道,更何況那些時事評論員。

水能載舟,亦能覆舟。時事評論,是沒有絕對是對的觀點,所以有時,錯估了別人意思或錯誤地分析或批評時事也不為奇。正因為時評是沒有對錯的準則,所以時評有時便會成為有居心的狡兔的工具,藉此煽動一群愚蠢的兔子去挑戰野狼。如果那班蠢兔僥倖地成功反抗,兔子便可暫時安享太平,而那班有居心的狡兔,自不然會成為兔子首領。如果,那班蠢兔不幸地成為野狼的晚餐,那班狡兔,亦可安然無恙。因為,狡兔出口,蠢兔出手,去送死的是你,誰叫你不懂得理性地分析及思考!

星期六, 3月 03, 2007

狡兔豺狼

有沒有遇過這種情況:

公司裡來了一位新上司,新上司的作風是比較軟弱,力求不要犯錯不過不失就可以了。可是,他那軟弱的態度不能為下屬爭取到最合理的待遇及福利,以至公司士氣低落,終於,公司解僱了該上司。

然後,公司擢升了一位大部份同事都認為有足夠領導能力的伙計為他們的上司。起初大部份同事都持正面的態度,但後來同事們發覺新任上司的態度過於強硬,更覺新任上司漠視民意。

這時,一位温文爾雅的同事提出反駁新任上司的種種不是,大部份同事們亦聽得非常受落。於是,同事們之間亦開始泛起一片聲討新任上司之音,要新任上司下台云云。

火某沒有興趣研究剖析討論國家及辨公室政治問題。不過,火某喜歡觀察人性心理。

照以上的情況來看,問題在於上司本身,抑或同事本身?

是眾人看錯了眼,還是人心不知足?

當這班同事從新上司的新作風裡得到了一些利益而成為習慣時,他們亦開始尋求另一種利益而攻擊這名上司無能。而這些心態會否變成惡性循環從而一直循環下去嗎?

對滿意知足的定義,人人也有一個共同基礎嗎?如果沒有,怎樣才能使各人也感到滿意知足呢?

如何看清誰人是滿腔理想,誰人是趁亂抽油水,還是各懷鬼胎呢?



思考閱讀:
兔子和狼 1
兔子和狼 2
兔子和狼 2b
兔子和狼 2c
兔子和狼 3

星期五, 3月 02, 2007

傷感傷城

邦發現懷有身孕的女友自殺後便終日流連女友自殺前去過的中童吧尋找線索兼飲至爛醉如泥消磨意志但當他發現女友骨肉的真正父親原來在某次交通意外中變成植物人後便放下心中的仇恨鬱結再度重新尋找新的生活。

強於童年時親眼目睹家中親人被殺然後化名熙考上總督察再娶仇人女兒進行復仇大計但當他發現妻子躺在病牀上兼妻子並不是仇人的親女兒時便經歷了人生最大的心理掙扎繼而他到最後亦選擇了一條不歸路。

或許,許多人會覺得報仇是一種很愚蠢的行為,只要放下仇恨便可得到解脫。

但是,親眼目睹親人被殺的震撼,揮之不去的陰影,已足夠令人每天也活在痛苦中。然而,仇恨的著眼點,已經不在於放不放得低,而是,報仇這條路,是值,還是不值。選擇得走這條路,或許,已經是一種 confession of pain。

星期四, 3月 01, 2007

鹹故笑匠

當火某仲係細路仔果陣,已經好鐘意睇佢個show。或者因為咁,所以火某就培養咗成日講衰嘢嘅習慣。可惜,火某到依家,都唔可以完全聽得明佢啲英國口音同英式幽默。

鹹故笑匠,佢當之無愧。