星期一, 7月 19, 2010


我常想像,只要用食指和姆指一掐一扭,佢條大腿骨便應聲折斷。

係唔係,減肥減到呢個地步,先叫做「美」?

星期六, 7月 17, 2010

宅男節目

數碼電視供應商時不時會有一些推廣,讓顧客免費試看某些電視頻道數星期。如果啱睇,咁當然要响推廣期後付費收看啦。今期推廣嘅係台灣東森衛視,無無聊聊咁發現一個完全係俾宅男睇嘅節目「數位遊戲王」。節目中有齊宅男瘋狂嘅元素,電子遊戲、可愛童顏、白滑大脾、無敵大騎樓、嘩,Kawaii呢!對於又宅又毒嘅我,梗係要一睇然後再揾Youtube睇啦。

有獎遊戲:著桃紅色裙嘅小予,响以下影片中三十三秒前同三十三秒之後,有咩唔同?

星期二, 7月 13, 2010

尿兜

又講男廁有女廁無嘅尿兜。

男人用尿兜小解,一定準過用馬桶,因為尿兜所放置嘅位置,對到正男人嘅(去片)。好似射槍咁,目標越近就越易中靶。但咁又唔好以為,男人用尿兜就萬無一失滴水不漏,離門六碼都可以打飛機啦,一唔專心集中精神,一樣可以射出界。所以,依家有啲圖案尿兜,透過射擊遊戲嘅方式,去鍛鍊男人嘅專注力、引導男人嘅射擊方向。但如果無咁多錢整個圖案尿兜,又或者一早就整咗傳統白色尿兜點算呀?可以考慮吓圖中嘅龍門尿兜墊。呢個墊不單可以讓男仕一嘗衝力射球嘅快感之外,總可以防止尿兜被香口膠瘀塞。有得射有得玩,總有實際用途,掂呀!

星期五, 7月 02, 2010

寵物

我家有兩隻貓,一啡一白,在我眼中精靈趣緻,是家中的霸王。

雖然我視牠們為霸王,但我並不要求別人也視牠們為寶貝。因為我喜歡貓,並不等如別人也喜歡。也有些人不是不喜歡貓,只是他們對貓毛敏感,不能和貓多加親近。

住宅大厦不準飼養寵物的規定,一早已經存在,而港九新界亦有很多給住客飼養寵物的私人樓可供選擇。一般不準飼養寵物的私人樓,原因通常是衛生問題和顧及其他不養貓狗的住客,和歧視沒有關係。如果真是愛貓愛狗之人,可以選擇準許住客養貓養狗的住宅大廈居住。相反,害怕貓狗或對貓狗敏感的人亦會選擇不許飼養寵物的住宅大廈。携犬搬到不許飼養寵物的屋苑來,給發信警告便說大業主沒良心不文明,這是有理據的指控嗎?

試想像在一憧不許飼養寵物的住宅大廈內,一個違規養狗的狗主準備放狗,在電梯內遇上一位對狗毛敏感的住客,住客不斷打噴嚏流鼻水,那麽,請問誰人才是沒良心呢?有時,做寵物還好,有主人代出頭。而那可憐流鼻水的住客,一出聲就被標簽成不文明,這又是否合理?

很多想飼養貓狗的人,在飼養前也會了解自己所住的屋苑是否準許住客飼養寵物才來考慮。養了貓狗的人,如果要搬屋,也會問明屋苑是否可以飼養寵物才作決定,這才是對自己的貓狗負責任行為。自己不了解清楚,便說大業主歧視,這是否說得過呢?對貓狗不負責任趕盡殺絕的,又是誰呢?

貓狗是人最普遍飼養的寵物,儘管貓狗在主人眼中是何等可愛,但請不要以為養貓養狗便大過天!

說的除了是前主播外,也包括我自己。