星期一, 11月 27, 2006

Just Between You and Me

某日工作中,上司來電:

上司「Hi Crane, Do you have time to talk?」
本人「Yup.」
心想:有乜咁大件事!

上司「OK, just between you and me…」
本人「…」
心想:死,你咁講我會好驚。

上司「Let’s make this as the evaluation…」
本人「ah-ha」
心想:咁就係evaluation,會唔會太兒戲?

上司「I’ll propose a raise of 2.5% to you…」
本人「ok…」
心想:2.5%? 唔係話,咁鬼少,加多D啦,你老闆!經過凍薪一年後,其實有得加好過無得加,或者呢個係一種手法,去令一眾打工仔們樂意接受加薪嘅幅度。

上司「But it must be getting approval from them(GM, HR, etc…),so it’s not sure…」
本人「ok…」
心想:即是話未必有得加,有嘅話最多都係2.5%。

上司「OK?」
本人「OK boss, thank you so much!」(以虛假的感激語氣回應)
心想:妖!雖然,我知你盡咗力…

星期四, 11月 23, 2006

後話...

之前提及的事件,條Technician最終都無出現。而火鶴條電話線問題,依然未解決!未解決!未解決!

一份工,可以俾氣人受兼火上加油之外,更可以「講完野,唔駛負責,真係好!」 Customer Service,可列入全球十大好工之一。

星期五, 11月 17, 2006

Customer Service

火鶴今日忟到爆!

近排唔知做乜嘢,個PK電話痴痴地。當電話響拎起時,對方又拎起電話,然後就互問大家點解打電話比大家。呢種事情已經發生左好多次,今晚火鶴就忍唔住打去電話公司個Customer Service度問下,睇下有咩辨法解決呢個LD問題。

一打去,先要回答十幾條選擇題先,例如你既資料、要咩服務、問題所在等等… 當答晒所有問題既時候,你就有機會同Operator講野。咪開心住,通常呢班Operators都係忙接電話忙到PK(係真係假就冇人知),所以佢地一定要你等一輪、聽番首所謂relax但又越聽越忟憎既音樂。五分鐘後,已經冇左耐性既人就會劈爛個電話,由得佢算數。不過,尚且頂得住既火鶴今次點都要等到有人講野先至罷休。好,足之等到有人Say Hello勒,點知條On9 operator錯手收左我線,DLLMCHonL9乜叉助語詞都出晒黎,又要火鶴重做果幾十條Multiple choice同埋重聽果首送殯音樂。搞完一大輪後就有條咸差講野,火鶴同條咸差講完一次案發經過之後,條死咸差話個電話太細聲,聽唔到我講乜。好,火鶴然後就大大聲同佢再講多一次!!!我大聲唔代表我冇禮貌,LS!!!跟住,條死咸差DLS就用好惡劣既態度話聽日會派人黎收理。喂喂喂,火鶴個電話可以打出打入,個問題係喺個電話服務既Program度,收乜野先?你整條LD黎,佢整粒春咩?火鶴再重申一次問題所在,點知條死咸差DLS話set左appointment勒,聽日有人會黎。態度之惡劣就正如兜口兜面叫火鶴收皮。火鶴就扯火問佢LM叫咩名員工ID係乜,條DLS竟然cut我線!DL條onL9死咸差HL啦死7頭……


一間大機構,竟有如此荒唐既事,what kind of customer service is that?

星期一, 11月 13, 2006

珍惜

咁耐冇寫,今日FC想轉轉Channel,收下火講下時事感受咁啦。不過,大家唔駛著多件衫啦,因為仲未成家立室既FC,感性極有限,斷估都唔會凍親大家。

呢期香港新聞講得最多既都係已經停止運作既舊中環天星碼頭。喺舊碼頭服務既最後一晚,大約有十五萬人去送別懷念一番。舊碼頭對FC黎講,係有啲感情,但係又未去到唔捨得要生要死抗議清拆既程度。幾年前FC曾經喺香港打過工,返工地點係上環,但係FC住就住喺老遠既新界。當時FC雖然有親戚接濟,但係食既用既著既都係自己揾自己洗,所以有時會慳得就慳。由新界出上環返工,搭一程巴士直到公司門口要$18.2,一來一回就要$36.4。不過,當時要慳錢既FC就選擇搭一程巴士去尖沙咀天星碼頭然後轉搭小輪去中環,再經IFC穿天橋行返公司,一來一回都係$20.4,小數怕長計,足足慳左四成有多。因為成日出入呢個碼頭既關係,所以FC就對舊中環天星碼頭有著一啲感情,就算宜家話要拆,FC都冇乜遺憾。

有樣野FC好想知道,喺呢十五萬送別舊碼頭既市民之中,有幾多個响過去既一年曾經用過呢個碼頭超過十次呢?喺宜家生活節奏越黎越快既時代,渡海小輪好似已經變成一種被人遺忘既交通工具。記得FC細個果陣,搭船過海就好似宜家同人迫地鐵咁,永遠都有咁多人。但係FC幾年前喺香港掙扎求存果時,搭船既人就買少見少,搭船既多數都係一啲中年人。當FC喺新聞度見到咁多人去送別舊碼頭時,FC就心諗係唔係當一樣野真係要永遠失去既時候,人先至識得去珍惜呢?就好似一啲名人死後先至頒個乜鬼終生榮譽大獎比佢,會唔會遲咗呢?FC認為,對呢個舊碼頭最有感情既應該係上一個Generation既人,六六年斗零暴動、七一年工潮等等事件,都成為上一個Generation既人對舊中環天星碼頭既集體回憶。

當一樣野漸漸被人遺忘以及失去利用價值既時候,清拆被取替就係唯一既結果。宜家新中環天星碼頭被人大罵新不如舊、設計不知所謂、要懷舊又整唔到個懷舊feel出黎云云。不過人係善忘既動物,如果四、五十年後香港政府要拆呢個碼頭既話,可能又有一大批市民出黎送別緬懷、集體回憶、要生要死以及抗議清拆呢個「新」碼頭一番。

星期五, 11月 03, 2006

同事Z

今日是同事Z在公司最後的一天,

問他工作是否不開心,

他反問:現在誰又會工作得開心呢?

我無言以對,沈默片刻,

然後送上祝福。

以前,

每有同事離開我也不曾難過,

但成為大躍進犧牲者之一的同事Z親自來電道別,

內心難免會有些失落。

回家途中決定去買一排巧克力,

聽說可以治療失落情緒。

超級市場的巧克力,

種類繁多。

10排巧克力,

大概有9排是由父母送給兒女。

第10排,

由我的右手送進我的口裡。

星期三, 11月 01, 2006

港女當道

小弟早排喺<港女應變災難中心>摷到條Link,條Link係一條港女列左男友一百戒條。唔睇自可,一睇就把幾火,所以小弟就佢囉。唉,點知條八婆洗左我個言,越越激氣,依家咪整返女友三十條戒條作復。原本想整夠一百條睇齊,不過廢是D人話我小啦,整三十條咪算囉,我係咪好有度呢?哈哈

<女友三十戒條>

1. 我意一個小依人,聽晒我話既女朋友。
2. 自尊心極強係我既點。
3. 漫畫展係我每年最緊張既節目,我會擔定櫈仔排頭位,妳喺電視新見到我唔使驚
4. 我唔覺得$10000HKD一隻Action Figure貴。
5. 你越無知我越覺得妳可愛。
6. 不進取係每個人既弱點,無人可以怪責我,包括妳。
7. 我意既遊戲係Xbox既Halo、Project Gotham Racing、Counter Strike以及PS既WE,妳千唔好買Scrabble同Blokus比我。
8. 沈迷打機睇畫玩Figure唔代表稚。
9. 我唔會每日打電話比妳,不過我會日日打機。
10. 妳見到我打機既時候,要我勁。
11. 如果我遲到,一定係我尋晚打通宵機唔知醒,所以你唔好比面色我睇。
12. 我一日打唔爆部機我一日都會情,妳最好唔好煩我。
13. 妳最好唔好叫我去Social,我留番D時間打機上網睇電視覺唔好?
14. 我想妳同我一齊買波衫買波鞋,且仲要我有眼光。
15. 唔可以唔妥我既豬朋狗友,因為佢地係我飲食醉以及星六晚睇英超聯既親戰友。
16. 男人睇波女人收聲,叫妳水妳要聽。
17. 我唔主動坐比老人家唔主動叫人早晨唔講唔該唔講多謝唔代表我無禮貌。
18. 我份人好易話為,唔會揀飲食。出街食飯由妳話事,不過要揀間可以著Graphic Tee同波衫既餐廳,而且埋單要$100HKD有找。
19. 一齊食飯一定要AA制,如果我無帶錢,妳一定要在無人知既情況下過錢比我,唔可以落我面。
20. 餐枱禮儀純虛偽。
21. 我唔介意妳係肥定瘦,不過一定要磅。
22. 女子以身為貌,不過都要有樣貌。
23. 你著套Gucci同我出街我會自
24. 我向東時如果妳行西,我會即刻叫你去yak西。
25. 我介意妳望靚仔,更介意妳唔比我望靚女。
26. 我有睇四仔既習慣,妳最好唔好叫我戒。
27. 送超過$100HKD既禮物比妳會令妳養出虛榮既心,我都係為妳好。
28. 我唔介意你開罐頭或煮鮑魚比我食,不過我介意你唔洗碗,因為洗碗係女人既責任。
29. 我成世唔拍拖唔代表我係一條溝唔到女既可蟲,而係我不依家香港女仔拜金刁既態度。
30. 如果妳對以上任何一條戒條有不滿既話,我會稱呼妳為「港女」。



本篇文章經過Fire-Crane™錯別字搜尋軟件程式version 0.11.1©2006檢查,如有遺漏實屬錯別字太多引致軟件程式支持不住,請讀者們自行修正。