親疏

又到無記台慶月，每年一到呢個時間，一衆電視迷亦會關注全台大合照，因為大合照裡各人的企位亦反影該藝員的受重視程度。兩位呀姐已做了六叔的左右護法多年，地位不容置疑。而企前排的和第二行六叔身後的藝員，則在當時備受力捧。這當然是符合人性的安排，對親切的人，其自身安全距離可以很窄、甚至全無。但當有陌生人走近時，人的警覺警號便會響起，就算口裡不說，心裡亦會罵句「行咁近做咩呀？同你有親呀！」親嘅企埋啲、疏嘅就行遠啲，得力嘅企埋啲、唔得力嘅就企遠啲，親疏有別就係咁嘅意思。

睇睇世博館嘅安排，主人家中國梗係响正中心位，下屬位係中國省區市聯合館，旁邊係兔仔型嘅澳門館同貨櫃廂型嘅香港館。至於邊個親邊個疏喎，一目了然啦。總有最抵死嘅美國館，可以嘅話中國唔想佢起响浦西咩，依家就起响離中國館最遠嘅八號門迎賓。

遊覽時發揮隨口噏精神，說澳門館內有老虎機百家樂玩，所以人龍這麽長。香港館則有e道，讓香港居民六秒內進場。最後，誠實可靠的形像化為烏有。

中國館一般要排最少五小時才可進館，由於當日入場人數是破單日紀錄的一百零幾萬人，中國館便要排七小時。而預約票呢？預約票也不是萬能的。據探子回報，手持預約票也要排最少兩個小時。沒辨法啦，人太多就係咁架啦。人人都响度嘈話一早起身希望拿到預約票，但預約票又唔足夠比晒咁多早起身嘅人。喂，如果中國館一日發一百萬張預約票，後果係咩？你咪拎住張預約票去排他媽的十個小時囉。

嗱嗱嗱，呢啲就叫親喇，直達館内無需等待，係全日最開心的驚喜。不過，如果要我排四粒鐘睇啲咁嘅嘢，我諗我拆館都似。

黐線

又嚟扯火事件。

返到香港睇到呢個廣告，即刻火都嚟理。慳返啲息買多兩件衫？真係病得幾嚴重吓！

友人話總有個去旅行嘅，睇怕條仔下一round係去日本著草咯！

呢條仔都係...

置安心扯火事

睇生果報寫，八十後社運人士陳同學話，「置安心」計劃是要迫使新生代把收入的六、七成用作供樓，其後果不堪設想，理由是年輕人個個顧住長時間打工揾錢買樓，沒有空間發展創意文化生活。

喂！陳同學，如果你係要用全部收入去發展創意文化生活，無人會迫你參與呢個計劃。不過，你唔用六、七成收入供樓，你都要租樓住。响資本主義社會裡，政府其實係無責任幫你置業。如果你想有樓住又可以用六、七成收入發展創意文化生活，移民去全共產國家囉，呢個世界總有兩個，一個係古巴，另一個係北韓。

買咗樓嘅人想樓價昇，未買樓嘅人想樓價跌。倘若樓價大跌，供緊樓嘅人變晒負資產，經濟環境又會受到影响。而未買樓嘅人，到時又敢唔敢入市呢？

施政報告出爐後聽港台峰烟節目，主持人已有既定立場，持相反意見嘅聽衆未講完已被切線，賤到極。

香港，真係有好多令人扯火的人和事。

（寫於施政報告出爐後第三天）

改相

幾年前因為興趣而去學攝影，還欠一科才能拿到証書，那一科是Photoshop。

偶爾我會執執相，多數是調較色彩飽和度和加強銳利度。而這類最普通的修正，一般在跟相機的修改軟件中已有這種功能，根本不必用到photoshop。看到一些由photoshop變法出來的照片，我也會讚嘆變出來的效果，但是我未夠耐性坐下來數小時面對著電腦，我還是喜歡拿著相機出外四處走，按下快門的滿足感還是比按滑鼠大。

但有時我也喜歡玩玩特別效果，網上其實有很多改變相片效果的網站，用法也很容易，效果也不俗。所以，photoshop那課程，還是遲些再學吧。