置安心扯火事

睇生果報寫，八十後社運人士陳同學話，「置安心」計劃是要迫使新生代把收入的六、七成用作供樓，其後果不堪設想，理由是年輕人個個顧住長時間打工揾錢買樓，沒有空間發展創意文化生活。

喂！陳同學，如果你係要用全部收入去發展創意文化生活，無人會迫你參與呢個計劃。不過，你唔用六、七成收入供樓，你都要租樓住。响資本主義社會裡，政府其實係無責任幫你置業。如果你想有樓住又可以用六、七成收入發展創意文化生活，移民去全共產國家囉，呢個世界總有兩個，一個係古巴，另一個係北韓。

買咗樓嘅人想樓價昇，未買樓嘅人想樓價跌。倘若樓價大跌，供緊樓嘅人變晒負資產，經濟環境又會受到影响。而未買樓嘅人，到時又敢唔敢入市呢？

施政報告出爐後聽港台峰烟節目，主持人已有既定立場，持相反意見嘅聽衆未講完已被切線，賤到極。

香港，真係有好多令人扯火的人和事。

（寫於施政報告出爐後第三天）