殘局

中國象棋正合我意，所以今篇我嘅身份係「事後塘邊鶴」。

一，香港街頭其實有好多姜太公擺殘局。

二，殘局係專昆人入局，表面佈置成黑棋一步即嬴，但內裡暗藏玄機。細心睇，紅棋其實係一步一方逼住黑棋走。而且，唔好忘記紅棋行先，和局紅棋勝。

三，我都見過人捉殘局，但未曾見過黑棋嬴。

四，輸錢係學生仔居多。

五，片中事主話俾人移咗棋，呢個係事主責任，而且移咗黑車，成盤棋又唔同捉法，黑棋反而勝算大大提高。因為黑車可以食紅車，之後黑棋總有單車單炮加雙馬，紅棋則只有馬炮兵，黑棋赢面達九成九。

六，事主年少氣盛，只留意拉後黑炮將軍，並無睇清楚其他棋子位置。

七，姜太公釣魚，願者上釣，而且棋盤一早放置好任人預先觀摩，沒有隱瞞，怎可能說是騙局呢？

八，戰術分析（主要針對片段留言所講的兩步，歡迎賜教。）：

3分14秒，為何紅炮食黑馬，而不用紅車食黑馬將軍？
如果紅車食黑馬將軍，黑炮回底擋車反將紅帥，就算紅車回防，黑車食紅車再將紅帥，紅棋輸。

3分18秒，為何移黑車捉紅炮，而不拉後黑炮將紅帥？
如果拉後黑炮將紅帥，紅炮回底擋黑車反將黑將，黑棋輸。

九，呢盤名為「小紅馬」嘅殘局，紅棋一開始就立於不敗之地。

十，又，試問每舖残局又何嘗唔係咁呢？如果唔係，又點會有咁多姜太公出嚟揾食？