自打嘴巴

在火速拆掉鐘樓後，有關當局為示威人仕的激昂而動容，所以現在便積極地提倡把集體記憶成為保護歷史文物考慮因素之一。
啪！好痛…

休班紀律部隊人員買番版影碟。
啪！好痛…

「女人係唔可以縱容架！」嘟…嘟…「喂，(輕聲地)係，點呀…做緊乜？咪掛住你囉… 想食咩呀？陣間等我買比你呀吓…」
啪！好痛…

「其實你誤會咗啦，我一直只當你係朋友… 你嬲呀？咁我呢？當初你夠無話我知你有男朋友咯！」
啪！好痛…

斷纜後一發現可以再上網，便急不及待地告訴網友自己對無得上網的日子無甚感覺。
啪！好痛…

「不要把自己的一套加諸在別人身上。」
啪！好痛…

「對一D無聊人，我再唔會長篇大論咁回應。呢D人跟本唔識尊重人，平日食飽飯無嘢做就等開大，呢D人有的是大把時間，得閒就彈兩句嚟挑逗吓人，我邊有咁得閒去埋佢，跟本就不屑去埋… (下刪數百萬字)」
啪！好痛…

「我個老細正一係PK嚟架，刻薄到暈，千祈唔好打佢工呀。喂喂喂，唔同你講住，做嘢啦，費事比老細見到我吞pok…」
啪！好痛…

一批携帶著大殺傷力武器的士兵為正義為世界和平而攻入一小國尋找大殺傷力武器。
啪！好痛…

「陳同學，你考試唔合格，無得升中四…」陳同學大哭，老師再說「別傷心，其實，求學不是求分數…」
啪！好痛…


原來，人係有自虐傾向。