無糖童話（2）

女人：「Honey呀～ 你好耐都無講過故仔啦，講個故仔俾我聽吖～」

男人：「嗯，想我講故仔呀？得，唔係唔得，不過呢～」

女人：「耶～ 唔制呀Honey，快啲講個故仔俾我聽啦，至多講完後我哋去九龍塘…」

男人：「好！即講。話說印度人口不斷上升，係因為避孕意識薄弱。所以有班義工走去印度一啲落後村落教當地人用避孕套。講完。Honey， LET’S GO！」

女人：「耶～ 好衰架你，你都未講完，講埋先啦，至多今晚我紮髻白恤衫粗框眼鏡look啦好無啫吓～」

男人（吞哂口水）：「好！好！梗係好啦。果班義工教完班印度佬之後兩年再返到去印度睇吓人口上升問題有無改善，點知發現人口持續上升，於是就問班印度佬有無用避孕套，班印度佬話有，仲即刻伸隻手入去褲檔度拎隻避孕套出嚟俾佢哋睇。班義工見到隻避孕套有個窿，心裡就爆晒粗！但嘴裡就好聲好氣咁問班印度佬點解避孕套會有個窿嘅，班印度佬就答話『如果唔剪個窿，咁點疴尿呀？』．．．．．． OK，LET’S GO BABY！」

女人：「．．．．．．Honey呀，其實呢個故仔有咩要旨呢？」

男人：「無，你有無發覺，其實有好多人都唔明一個道理，如果有啲嘢唔識用或者被濫用，咁同無係無分別咁囉。」

女人：「．．．．．．Honey，呢個故事係咪真架？」

男人：「呢個故事有可能係真嘅，但其實我想講嘅故事又唔係你諗緊果個故事囉。好，去爆房！」

******

是夜，男人同女人都無用避孕套。