尿兜

又講男廁有女廁無嘅尿兜。

男人用尿兜小解，一定準過用馬桶，因為尿兜所放置嘅位置，對到正男人嘅（去片）。好似射槍咁，目標越近就越易中靶。但咁又唔好以為，男人用尿兜就萬無一失滴水不漏，離門六碼都可以打飛機啦，一唔專心集中精神，一樣可以射出界。所以，依家有啲圖案尿兜，透過射擊遊戲嘅方式，去鍛鍊男人嘅專注力、引導男人嘅射擊方向。但如果無咁多錢整個圖案尿兜，又或者一早就整咗傳統白色尿兜點算呀？可以考慮吓圖中嘅龍門尿兜墊。呢個墊不單可以讓男仕一嘗衝力射球嘅快感之外，總可以防止尿兜被香口膠瘀塞。有得射有得玩，總有實際用途，掂呀！