電影全集

現在行華人商場，都會見到好多洋人同其他唔同種族嘅人。佢哋唔係吸收中國嘅文化，而係嚟買最平最新嘅DVD。無錯，最平最新嘅DVD只有華人商場先至會有得賣，連我公司裡嘅外藉同事都會搭我哋去買。依家DVD嘅技術，可以壓縮十套八套戲响一隻DVD裡面，而祖國嘅商人就利用呢點，推出好多一系列嘅電影，譬如周星馳電影全集、成龍電影全集、杜琪峰全集、應召女郎全集等等… 仲有日本韓國情色片全集，都係賣幾蚊雞。老豆同我見到咁抵咁過癮，於是就走去慢慢揀，當中包括中港日韓嘅三級片。最後，我哋除咗買咗兩隻共廿幾套韓國情慾片之外，仲有呢一隻：

好明顯，我係因為渣估先買呢套，我都係渣估fans。

其實，公平啲講句，曹生都係正常人一個，佢俾人嘅形像都係從電影中嘅角色得出來。早前响電視一個婦女節目睇過佢一個訪問，講話拍三級片睇落好似好有豔福咁，但其實有苦自己知，佢甚至懷疑自己嘅心理係唔係有問題，佢講嘅時候，語氣係充滿唏噓，如果唔係為生活嘅話，跟本就唔會行呢條路。