六脈神劍

早幾日响契媽度提起六脈神劍同KY嘅微妙關係，諗住遲吓寫篇更精采嘅豪情文連同裸照乙幅投搞去三姑娘到碰運氣。點知，好衰唔衰，今日香蕉報就出咗篇「一陽指大戰生汁娘」。可知道六脈神劍乃係以一陽指為根基，依家條橋俾人攞埋，即係封我後路咁啫！

之後果篇，又話要初戀。

初戀？咦，邊個成日話要揾初戀呢？？

激氣呀，頂！
__________

早前呀媽番睇高陽嘅「紅頂商人」同「胡雪巖」，呀媽雖然讀書唔叻，但係佢都會睇吓醫療湯水書同小說。記得以前家貧，一家人住响一個二百幾呎嘅單位。有段時間，每當夜晚熄燈瞓覺時，媽媽就開盞小燈，坐响廚房度煲金庸小說，印象幾深架。今日，我同老豆發現咗呀媽攞咗「慈禧前傳」嚟睇，我哋都不約而同笑住咁話：「佢睇番佢嘅前半生呀。」