手寫板

用手寫板已經用咗三年，都係同一塊無換過。有用手寫板嘅人都知，如果用支筆寫得多，塊版就會越刮越花，咁認字能力就會退減，出錯字嘅機會就越多。依家寫中文字，有時要重寫好幾次先至出到個正確字，都幾煩吓。朋友曾提議我學九方輸入法，易學又方便快捷，適合我呢亭懶人。不過呢，人一懶起上嚟，就會連學新嘢都懶，即係懶得去練精學懶。寧願煩啲一筆一畫去寫一隻字，都唔願學篤兩粒掣去打一隻字。如果向好果一方面諗，起碼我唔會忘記每隻字嘅筆畫先，或者又响不知不覺間，練得一手好嘅楷書呢。

查實我覺得，我手字未必算得上靚，但會係工整咁囉。

下次回港，再買塊手寫板。