藍牙耳筒

可能係用得太多嘅原故，跟咗我三年嘅藍牙耳筒終於壞咗，依家要用返有環迴立體聲嘅有線耳塞講電話。當初揀呢隻藍牙，係因為我唔鍾意扣耳仔果種款式，可能我細個時頑皮成日俾老師扭耳仔，所以當有嘢扣起隻耳仔時就好似有受罰嘅感覺咁，好唔舒服。呢隻藍牙都有條線跟耳塞，設計都幾型，試過好多次有人以為呢隻係MP3 Player。唔用嘅時候係夾响件衫度，聽電話時就用耳塞，我幾鍾意架，雖然壞咗但又唔捨得將佢棄置堆填區，有感情嘛。

發明咗手提電話之後，已經帶俾人多咗好多方便。依家再發明個藍牙耳筒，簡直係偉大，唔駛拎起隻電話，多咗隻手嚟做其他嘢。科技真好，可以俾勤力嘅人方便，但同時又可以方便懶人。