擁抱

好耐之前睇過一段心理分析，係關於唔同睡姿所表現唔同嘅心理狀況。我鍾意側睡，心理分析話鍾意側睡嘅人响某程度上缺乏安全感。而側睡又分兩種，單膝屈曲嘅就鍾意擁抱人；雙膝齊齊屈曲嘅就鍾意被人擁抱。於我而言，都準架，以前我曾寫過話我係一個鍾意擁抱嘅人，覺得兩個人擁抱就好似互相分享互相支持咁。無論係同親人、朋友、情人、抑或係响IFC天台排你後面隊果個苦主，一個擁抱，都有一種互相關懷生死與共嘅感覺。

很想抱你。