三十戒

新版三十戒：

1. 行街時挽著我手行在我身後，小鳥依人嘅感覺好好。
2. 揸車切線時唔好幫我望盲點。
3. 如果我覺得值嘅嘢，俾多多錢都唔覺貴。
4. 粗口，都係留返响牀上先好講。
5. 聽我話，著你瞓覺就去瞓；
6. 企就企；
7. 坐就坐。
8. 最怕刻意減肥甚麼都唔食。
9. 中意食嘢嘅女仔最可愛。
10.當我縱容你時，可唔可以唔好咁易俾我得逞？
11. 一個月果幾日就唔好食雪糕啦。

其實，邊有咁多戒條吖。兩個人從相遇到相愛真係好難，如果真係好愛一個人，所有理想化嘅戒條都會拋諸腦後，因為，用理想化去規範感性嘅愛情，跟本無可能。所以我覺得，兩個人互相欣賞互相尊重，就已經係最好。

回想以前用反話去表達港男無風度嘅表現，又真係幾過癮，多謝Hana同我揾返當日嘅心情。總係覺得，以前寫Blog比現在好玩，多些交流，博客間多些默契，彼此嘅觀點唔同，亦會開名理性討論，無咁多匿名老鼠。

如果，硬係要為愛情加上戒條嘅話，我認為除咗歌都有得唱嘅第一戒「別要張開雙眼」之外，另一條最好嘅，就係「如果有日唔愛我時唔好唔話俾我知」。