八掛

「呀，方卓如同個主播爆房喎…」

「吓？方卓如…」

「係呀，雜誌影到相，斷正吖。」

「方卓如咪果個龔… 咩輝…」

「龔耀輝。」

「同邊個話？」

「呢，個主播呢，幾有名吓…」

「係咪無記架？」

「叫咩玲話…」

「小飛俠？」

「短頭髮幾清秀吓果個呢…」

「林燕玲，易亦最鍾意果個！」

「係呀，係佢啦。不過呢，方卓如爆單咁嘅嘢，對佢嘅影响幾大。」

「林燕玲喎，佢都幾得架。」

「但係方卓如結咗婚嘛，佢嘅仕途應該玩完…」

「唓～男人唔壞，只係遇到嘅誘惑唔夠大啫。」

「咁又係… 呀！嗱，林燕玲誘唔誘惑到你先？」

「…我中意趙海珠多啲喎…」

「咁趙海珠誘惑你喇，不過佢都唔靚，林燕玲好啲喎…」

「無辦法啦，果時趙海珠報呢邊嘅無記新聞嘛。咁你又點睇方卓如先？」

「我都唔係中意方卓如，所以無咩感覺。如果係張國榮俾人捉到呢，我只會諗『哎吔，乜咁唔好彩呀…』就係咁。男人嘛，有乜出奇？」

「哦…」

「喂，講吖，林燕玲誘惑你你制唔制先？」

「如果係易亦呢，佢實制…」

「我係問你吖…」

「…其實呢，你所講嘅誘惑大唔大，都係同身邊果一個比較嘅啫…」

「蝦，你依家曉飛咁喎，以前你行兩步就仆咗响度…」

「咩啫～咁係嘛，林燕玲係靚，不過如果誘惑大唔過身邊果個呢，都唔係咩大誘惑啦…」

******

原來，男人可以比女人八掛。