聰明

下午難得和細妹吃二人午飯，談東談西，忽然說到友人的頭腦，然後自言一句：「唔知道點解佢會生得咁聰明…」當然，說這一句，通常也不是要一個確實答案，因為聰明與否是與生俱來的。但是，從事醫療行業的細妹可以從遺傳學分析。

可知道，決定人類性別的基因，是第二十三對染色體。

男人第二十三對染色體的排列，是XY。

而女人第二十三對染色體的排列，是XX。

卵子只帶X染色體；而精子則帶有X或者Y染色體。

所以，決定孩子性別的關鍵，是男人。

「家嫂，你入咗門咁耐，男丁一個都無出，但女就出咗十八個，依家我哋唔係想開高爾夫球場，我哋只係想繼後香燈咁啫，你話你仲唔係我家嘅剋星？！」其實，這等難為了家嫂的指控，是錯誤及不公平的。

孩子染色體的組合，是精子和卵子染色體的結合。

但這和頭腦有甚麽關係呢？關係就大了，因為遺傳頭腦的基因，只存在X染色體裡。

換句話說，女人擁有XX染色體，即是女人可以遺傳父親或母親的頭腦。父母親任何一方聰明，女兒也是聰明的。

而擁有XY染色體的男人，只可以遺傳母親的頭腦，而不能遺傳父親的。父親聰明，Oh Sorry～ 呀仔無你份，下世投胎做女人啦。

「哦… 根據呢條方程式計算，咁即係女性喺比例上確實係比男性聰明。」

「係，可以咁講。所以你聰唔聰明，都係睇呀媽。不過，你都知呀媽呢… 哈哈哈…」

「哈哈哈…」

…我也笑了，不過，是苦笑。