New Girl

火鶴呢類掃把星，好日都唔會飛近太陽一次，只係有咩頭暈身熱就打個電話比上頭吹吹水，所以有時連公司發生咩事都唔知。今日又忍唔往打比上頭講吓要求投訴，因為呢兩個星期嘅 Work Order同 Paperwork攪到亂晒籠。點知上頭佢話咗個消息比我知，就係負責本人大小事項果個 dispatcher 已經被裁。拿拿拿，本人一早都話大躍進後患無窮，無講錯啦。計落計落都有好幾十人被炒或自動離職，今次係可憐嘅 dispatcher D，可能佢之前整斷隻手放咗兩個月病假嘅關係，公司有可能係為咗呢個理由開佢刀。舊人走咗，上頭就話 there is a new girl named Kelly 將會處理本人嘅大小事同 Paperwork。Kelly？New girl？係咪地球女仔先？哈，最好唔好比本人見到佢，等本人可以繼續對佢有幻想。因為公司大部份女同事，唔係過四十歲，就係過二百磅。言歸正傳，不過，本人就心諗由依家到聖誕前，公司嘅運作都有排煩咯！