料理鉄人

今日料理の鉄人要示範嘅菜式，係Prime Rib。

首先，要揀舊靚嘅Prime Rib。我去果間超市有兩種Prime Rib，一種係超級雪花，唔駛講都知係脂肪含量較多兼且分佈平均，售$18.99一磅。另一種，係脂肪含量較低，無咁多雪花，售$8.99一磅。眼利嘅我，見到平啲果堆Prime Rib裡面，有舊雪花介乎中間分量嘅，咁我當然就叫售貨員攞果舊俾我啦，佢話我真識揀。駛乜講，哼！(((((...自大中... 請勿打擾！)))))

OK，煮之前，首先要將舊肉放喺室温度解凍，解凍後就用毛巾索乾舊肉表面嘅水份，再用鹽同黑胡椒粉搽响舊嘢度。

預先調較焗爐温度為450F，等焗爐熱咗之後，將舊Prime Rib連焗盤一齊放入焗爐，焗二十分鐘先。二十分鐘過後，將焗爐温度收細為325F，然後憑各自生熟喜好而調較烤焗時間。以我舊Prime Rib為例，六磅重，我要七成熟，咁每磅肉嘅烤焗時間大約為二十分鐘。六乘二十等如一百二十，咁我舊肉就要焗佢兩粒鐘喇，記住，開頭450F果二十分鐘，都要計埋响呢一百二十分鐘入面。

可惜，焗呢舊肉時出咗個小意外。屋主朋友唔記得話我聽個焗爐鎖有問題，要等到焗爐冷卻後先至可以開焗爐，咁，我舊肉就响焗爐入面繼續俾熱力輪姦，而我就隔咗响個小窗之外，嘆惜自己對世事無常嘅無能為力。

跟住煮醬汁。材料有胡椒、紅酒同野蘑菇切薄片。

用焗盤底啲牛肉油將野蘑菇煎熟，加胡椒紅酒，煮滾紅酒後加上適量豆粉獻，即成。

將牛肉切成扒，上枱。

食之前淋醬汁，嘩！真係(((((好好味呀！！！)))))

煮嘢食呢，對我嚟講唔難。早喺highschool嘅年代，我同另外四個朋友（全男班）組成一個「慧姸雅集」飲食聯盟，於每個星期六相約喺某朋友屋企嚟個型男廚房大挑戰。講真，呢五條型男嘅廚藝，唔差架，煮嘅嘢一定食得落肚，仲要個個星期係咁操添，想煮得難食都幾難。

同場派對加映：Invest of the Day。
以以下圖中嘅禮物，換取價值四倍半嘅禮物，一日內嘅增長率為450%，好厲害呀我！
哈哈哈哈… (((((...又自大中... 請勿打擾！))))) 哈哈哈哈…

聖誕交叉扑之（聖誕鴨）

本篇係契媽HANA响百忙之中抽閒嚟寫嘅作品，聽講仲會有下集。據未經證實嘅小道消息透露，下集會有點點出場，點點將會被公司派去鴨店放蛇做資料獀集，點知情陷強仔，更被強仔攪到慾罷不能，劇情精彩萬分，不容錯過。如欲知後事如何，請定期留意HANA個Blog啦，多謝。

聖誕交叉扑呢個idea幾有創意，點都要俾啲鼓勵呀大鐵鎚。

就送個火鶴熱吻俾大鐵鎚啦... 都係好嘢嚟架！



我叫張小強今年二十七歲，係一個專業的健身教練，雖然我讀得書少，中五畢業就出咗來哩個萬惡的社會工作，好彩二十七前成功制造咗我既嗰一晚，我阿爸盡心盡力，我阿媽都萬分高興，所以我哩個愛的結晶品硬件好好，身型好健碩，又幾英俊下。妹妹仔喜歡叫我高大威，細個時我都好驕傲，大個咗先知自己原來淨係威在外表，我個連體細佬咪又係普普通通。

我一生人都好有女人緣，八歲已經開始收情信；十二歲同隔離班個小娟拍拖；拖過手仔又錫過個嘴；十四歲俾個英文miss嘗咗鮮飲咗頭鍋湯，當我認住佢係我的女人時，miss淨係俾咗封利是我，叫我以後唔好再搵佢。我喊咗五分鐘，用衫袖抹幹眼淚，跟住揸住封利是去買咗罐黑啤一飲而盡，原來啤酒一變黑係苦得咁緊要嘅。從此開始咗同我細佬一齊既閱女無數生涯。

至今女人對我來就似街邊既的士，揮一揮手随時有得上，但係啲的士費越來越貴，咁落去真係唔係辦法。我咁靚仔時不時都會遇到唔收錢既司機，第一次固然興奮，內心實在感謝阿媽生成我一個萬人迷嘅外表，遇多幾次先發覺唔收錢既啲士通常都係巴士改裝。搞搞下我開始單手上網都唔搵女人了。

就來聖誕節我都係孤家寡人似乎真係有啲齋，啲卡數又越欠越多，所以當今日見到熟客Bobo媽時就同佢講：聖誕嗰幾日假期我決定去佢間場客串。Bobo媽係尖沙嘴最旺嗰間會員制鴨吧既老板，成日都游說我去幫佢手，今日佢如願以償開心得笑不攏口。話保証我兩日攢到一個月人工喎。

好，一於在唔凍既聖誕去做鴨。

哩幾日我心身疲累，日頭係健身院返工身水身汗，放工返到屋企係咁上網做資料收集，夜欄人靜果陣時就拿起夏蕙姨幅肉照自我修練。唉，點知未還始做鴨先發覺到自己已經不舉，原來對住夏蕙幅相，個腦點諗舒淇同木村乃都係冇鬼用嘅。帶住萬分慚愧同內疚嘅心情，我忐忑不安地打咗個電話俾Bobo媽，聽我講覺不舉經過，Bobo媽係電話度足足笑咗兩分鐘，笑完佢話：傻仔，我哩個係頂級場，一個人一晚最低消費千五蚊未講街鐘架，街鐘就行緊長八短五，而啲客中意溝仔feel，未必咁快會去街，我果度絕對唔會有類似夏蕙姨嘅物體，所以呢你即管放心，淨係用你平時返工對我哋啲靚女客人嘅態度對我啲客已經ok，當然我總會操下你。

女人哩樣野真係神奇，Bobo媽一句"操下你" 已經即時令我細佬昂首挺胸，諗起Bobo媽36D、26、36既美好身體(天然胸前偉大嘅女人條腰一定唔會22、23，哩啲係生理常識，兄弟們要記住了)，運動後紅粉菲菲嘅面珠，起伏跌蕩嘅胸脯，啊呀！明知今晚要返工做聖誕鴨都係忍唔住爆發咗一次。

冲咗個靚凉，穿上我衣柜裡唯一一套飲衫，姑慈嘅西裝，我覺得自己唔差得過劉華，下屆四點我淮時到達Bobo媽哩間於尖東海旁商業中心嘅酒吧，入門要按視像對話，確認咗先會由電腦開啓大閘，入到酒吧感覺冇乜特別，只是比較豪華，而沙發位全部呈U字型，超高嘅椅背私癮度較高，另外總有八間對住維港嘅VIP房。經理Dee哥帶我入咗老板房，Bobo媽穿了一你黑色吊帶裙，映得皮膚更雪白，胸前兩團寶具幾乎奪衣而出，我感覺到細佬又唔安份了...

待續待續...

聖誕禮物

今個聖誕已經收到嘅禮物：

¨ 4GB iPod nano

今個聖誕買咗俾自己嘅禮物：

¨ PING G5 iron set (4 5 6 7 8 9 W U) $500 + 14%Tax

¨ Lomography Holga Camera (Green Colour) $78 + 14%Tax

¨ 藍/紫混合highlight加洗剪吹 $140

今個聖誕仲想買俾自己嘅禮物：

¨ Canon EF 70-200mm f/2.8 IS USM ~$1849 + 14%Tax

¨ iMac 24inch 2.8GHz Intel Core2 Extreme 2GB memeory 500GB HD ~$2449 + 14%Tax


有時，男人癲起上嚟，絕唔會比女人遜色。

翻版對話

「喂老細你之前又話係隻碟嘅問題，但係你換過俾我果隻碟都係喺同一個位出事果喎，咁即係話你download果時衰咗啦。你拎得出嚟賣嘅就好心揾啲好啲嘅source啦，咁樣要啲客走嚟走去好好玩咩？望咩呀望？仲成碌木咁企响度喎，仲唔嗱嗱淋去download？駛唔駛我自己去download呀…」

幸福國度

午飯時間，正在疑問為何魚柳包裡只得小半塊芝士的時候，看見一位小男孩爬上座位，雀躍萬分，而他的爸爸則手拿一盤子的食物，然後放在桌上。

那是一間位於旺區、開設在地庫下的麥當勞。收銀機前，站著一位小男孩，害羞地看著收銀姐姐。儘管事前小男孩的爸爸已教了他要說些甚麽，並給予他適當的鼓勵，但最後，小男孩最終也說不出半句話來，要站在他身後的爸爸代勞。

小男孩很喜歡那一間麥當勞。那裡有好吃的薯條，有色彩鮮豔的桌椅，還有，那裡有一列長長的火車。小男孩很喜歡坐在火車上的卡座和爸爸媽媽一同享受食物。爸爸把蕃茄醬包撕開，然後擠在墊紙上。金黄色的薯條沾上了鮮紅色的蕃茄醬，對小男孩來說，是世上最美味的食物。噢… 是蕃茄醬太少了吧，爸爸便托咐小男孩去拿蕃茄醬。小男孩又走到櫃檯面前，望著收銀姐姐，又說不出半句話來。過了一陣子，媽媽知道小男孩又是膽怯而講不出口了，便來到櫃檯前，拿了兩包蕃茄醬，然後帶小男孩返回座位。

小男孩的眼光，帶著點點的委屈，淚水在眼肚裡正蕩樣著。小男孩還小，要他獨自一人去面對世界，當然會失去了在父母襁褓裡的安全感而頓覺無依。小小的他，還未懂事便有了初次懊惱父母的體驗。以後，機會還有多的是，要到他真正長大的一天，他才會明白父母的心意。

那列彩色繽紛的列車，一直由幾位卡通人物陪伴著小男孩的一家人，隨著隆隆的火車聲和縷縷輕煙，彷彿穿越時空和白雲，駛向幸福的國度。

**********

如果生命只剩最後一天，
我會選擇回到至親旁邊，
在父母的懷中安然睡去。

深宵不眠術

前日，有人超級夜瞓。
今日，有人足知頂唔蒲，早早就瞓喇；
時間，係零晨四點半。
唉…
____________________

夜瞓，係一項絕技。

同其他絕技一樣，有人好易上手，有人鍛鍊一世都學唔到。

當然，成日出嚟蒲嘅人，唔需要鍛鍊夜瞓呢門絕技，佢哋咁鍾意夜生活，俾成樽安眠藥佢哋都會當糖咁食啦。

夜瞓絕技，係我呢啲懶人必要鍛鍊嘅。我通常一入黑，一到十二點，就算唔撻落張床到，都會頭鈡鈡鈡到想死咁濟；但係上床瞓呢，又好似好嘥時間咁。有得嘥時間呢，好聽啲講係有福氣，但現實啲諗呢，少咗時間做嘢咁我咪唔可以提早退休囉。

依家，又嚟到「飯氣攻心呵欠頻」嘅地步，有無人可以教我，點樣可以徹夜不眠呢？

Fusion

我鍾意美食，並唔係乜都可以塞落口果隻，我係一個有要求嘅食客。潮流興fusion，試過一間中泰fusion菜，食完就怕怕。Fusion，只不過係美其廚藝差勁嘅名字吧。

Fusion，如果放响流行曲度，我反而幾鍾意。

與其講fusion，不如話cross-over。

講音樂唔係我嘅專長，一首歌好唔好，我係聽首歌順唔順耳，歌詞對唔對到號，就係咁。

最先聽cross-over嘅歌，係楊千嬅嘅「向左走」。

遲啲，有悲慘啲嘅「樓下來的女人」，游鴻明嘅歌。

再遲啲，有張智成嘅「快樂」。

依家，我成日聽到爛嘅，有呢首：



香港人聽歌好奇怪，基本上唔係聽歌嘅，而係睇歌手個樣。靚仔靚女啲嘅，唱乜都好聽。老實講，我都會睇樣架，不過呢，我就唔會因為歌手個樣無咁靚而否定佢哋嘅歌囉，況且，大個咗嘅Kary，都唔差丫。

雪映移城

無記啲旅遊節目，最興揾兩男兩女做主持，去到一個地方然後玩個愛情大兜亂，真係呢…

呢排呢邊播緊無記响二月時播嘅「雪映移城」，由兩個女仔去尋找日本東北嘅雪地奇景，好似藏王樹冰呀、雪中蘋果呀等等，再講吓啲自己嘅感受，都幾好睇，幾浪漫丫。

琴晚做完運動揸車返屋企時，開始落雪。遠處嘅雲，係一片紅色。新聞話今次嘅雪暴係十年嚟最強勁嘅一次，所以我揸車都特別小心，注意：係特別小心，唔係特別慢。番到屋企，坐响暖風口旁邊，望住窗外嘅大雪，總覺得屋企特別有安全感，夏天都唔覺架。人就係咁，平時無病無痛嘅時候，總唔會留意到身邊一啲嘢嘅重要性，當出事嘅時候，先發覺呢啲嘢嘅可愛，人，其實係咪犯賤嘅呢？我諗，係架，從細路仔開始，我哋都唔會完全聽晒父母嘅說話，佢哋叫我哋唔好跑，我哋偏唔聽，好喇到跌損手腳喇，我哋又會喊又會叫呀媽。到大個咗，又嫌呀媽囉囉唆唆，到遇到挫折時，又會諗起呀媽，好想重回媽媽嘅懷抱痛哭一場。

初初踏足呢個國家，過第一個冬天，嚐第一口雪嘅滋味，覺得一切都係美好浪漫嘅。時間一年一年咁過，漸漸，我就越嚟越唔鍾意雪，返工前用一個鐘頭時間去剷雪嘅滋味並唔好受。不過，人係犯賤嘅，如果未試過嚴峻嘅冬天，我哋又唔會覺得夏天原來係幾咁可愛。今朝起身，出面仲落住雪，積雪成半呎深，樹上掛住厚厚嘅雪，壓到棵樹斷咁濟，都幾似樹冰架。無可否認，雪景係靚嘅，睇雪係浪漫嘅，但只限睇囉。今日，要我踏出屋企半步都幾難，不過咁，如果有個喜歡嘅女仔話要去揾藏王樹冰同雪中蘋果囉喎，我當然樂意奉陪啦，雪雖冰凍，但心温暖。雪冷心寒嘅話，都係留番响屋企吹吓暖風算吧。
____________________

愛

無條件嘅愛，只限父母對兒女。
男女間跟本就無無條件嘅愛可言。
當去追求愛嘅同時，亦追求被愛。

死嘢，大唔起呀？再大，睇咗先講。

比試

今晚睇咗呢季America's Next Top Model嘅完結篇，出爐嘅Next Top Model係深色皮膚嘅Saleisha。好多人以為，做model，梗係白晳金髮女郎著數啲啦，就好似Saleisha最後嘅對手Chantal咁。其實，撈啦。睇最後一圈，响北京故宮行天橋，好明顯，Saleisha係自信好多，笑得甜，有氣質，雖然Chantal有意外失咗手，但我睇對賽果影響唔大。仲有，兩人都要化中國裝，即係响眼尾暈精度整一大片紅眼影，呢個裝跟本就係同Saleisha度身訂造，襯到絕，佢造型可以多變，俾我揀，我都會揀佢。

幾鍾意呢個show，鍾意睇時裝靚衫，鍾意睇造型化裝，鍾意睇點樣包裝個女仔，鍾意睇包裝後影出嚟嘅硬照（攞靈感嘛），仲有最重要就係，其實我都幾鍾意睇女仔，哈哈。
____________________

呢排兩位老闆興玩點歌仔，唉… 我都唔知道，點同你講好…

傷春悲秋

傷春，梗係悲秋啦大佬！

諗起都痛…

聖誔交叉扑

大鐵鎚個「聖誔交叉扑」遊戲，我玩呀。

我個email係：craneonfire@gmail.com

哈哈！

講低聲先

冰火眼睛

火火媽媽有一雙怒火眼睛，而我就有一雙冰火眼睛。

火眼睛，顧名思義，看見不平事，無名火起三千丈。跟怒火眼睛不同的是，火眼睛很多時會變成火遮眼，從而失去理智然後做出唔恰當嘅事。

冰眼睛，係當我心死嘅時候，無論人哋嘅處境係點，我都只係會冷眼旁觀。涼薄，都係受過傷害後保護自己嘅擋箭牌。

世途倘不險惡，又何須帶備冰火眼睛呢？

____________________

今晚場球賽，跳起爭波時俾人（LON）咗一嘢，背脊後腦同時撻落地，即刻感覺唞唔到氣，要成分幾兩分鐘先至可以爬番起身。依家返到屋企，唞氣都仲有啲chalk住。

皮外傷唔可怕，內傷先得人驚。記得「烈火戰車」入面，錢嘉樂同人鍊車時炒咗鑊勁嘅，劉德華到達時見到錢嘉樂行番出嚟，劉德華問佢有無事，錢嘉樂話無。然後，錢嘉樂嗌口渴，劉德華就遞咗樽水俾錢嘉樂，錢嘉樂飲咗兩啖後，就突然間狂噴血，咁就瞓咗响地下，好辛苦好辛苦咁死去。講真，我真係幾驚咁嘅情形發生，以為無事拉，點知失驚無神嘅時候就嚟料，真係好恐怖。要死，我寧願响發生意外時果一刻死去。咁樣吊住吊住，俾少少希望我然後又要响我唔為意嘅時候攞我命，喂，玩我啫。

嗱嗱嗱，咪講笑，今晚都係講定俾屋企人聽先，如果聽朝十一點仲未見我起身，call定白車都得喇。

現實世界中，要知道一個朋友離世嘅消息，可以有好多渠道。咁，虛擬世界呢？如果，我唔寫成個月，到底有無人會意識到我已經魂飛天外，抑或會有人以為我忙工作忙拍拖等等呢？如果我真係唔响度，咁，呢個blog咪變咗凶blog？無人有密碼登入嚟取消呢個blog，而呢個blog亦一路存在到永遠。仲有我個電郵呢？新郵件一直無人睇無人去處理，咁有無問題呢？

如果由聽日開始見我真係無寫嘢成個月、MSN又見我唔到而我又無交帶一聲嘅話，算啦，放棄我啦。

驚再無機會同响網上認識嘅朋友講呢句說話，依家都係講咗先，請對號啦：

「我愛你哋呀，保重！」

雲淡風輕

台北，下午一時，懷著期待的心情，踏上高鐵車廂。

高鐵的確把台灣城市的距離拉近了，不消一個小時，已到達台中。

下午的蓬甲市場，冷冷清清，胡亂地吃過午飯後，鑽進書店，拿下了一套三冊PK_兄也曾進介過的魚住誠一人像攝影教學，便消磨了半個下午。

五時許，市場熱鬧起來，各類飲飲食食的小檔也開始營業。對於一個喜歡吃的人，如我，來說，台灣的夜市，就是一個理想的烏托邦。

邊看邊走，電話響起來。接過電話，傳來她的聲音：

「我來到啦，你喺邊度？」

「我喺大學正門口。」

「邊度呀… 嗯，我見到你啦，著橙色衫…」

「係呀係呀…」

就這樣，我與這女孩再度見面。

一年前，我曾在我當時的私人blog中寫過這女孩：

她是一個頗Sharp的女孩，貌似某香港女歌星，高貴漂亮但帶點冷傲的面孔和一雙烏黑的大眼睛往往會成為別人注目的焦點。知道她的存在大約在十年前，當時沉默害羞的我只是躲在遠處偷偷地欣賞她的一舉一動，並沒有實際的行動嘗試去結識她。和她的真正互相認識是有點弔詭的，那是在一個不經意的情況下找到一些巧合，然後又在這巧合裡制造出一些不經意。現在回想起來也覺得複雜和老土，或許這是年青時的一股儍勁吧。真實的她其實不如外表般冷酷，她對人真諴、能言、有原則、知道自己想追求些甚麽。她，無論外表和內在都是那麽迷人。可是，她所行的路比一般人崎嶇，總是被一些外來因數影響以致在自己的人生道路上仍然兜兜轉轉。幸運地，她仍能抱著積極正面的態度去面對，並沒有因際遇的不好而自怨自艾，這一點是很值得人欣賞的。她最近下了一個很大的決定去改變現狀，希望她能苦盡甘來，早日行到她應得的康莊大道和找到真正的幸福。這麼好的女孩，說對她沒有感覺的騙人的。不過感情事，timing是很重要，很早以前便發覺了和她只有做朋友的緣份，現在能和她做朋友已經是一種福氣了。而對她那種淡淡的好感，就讓它成為年輕時一段甜美的回憶吧。

這女孩沒有甚麽改變，一樣還是這麽美麗，只是，她比從前更開朗，有著更多笑容。

她帶了我去吃鴨血湯、蚵仔麵線和鹵味，邊吃邊訴說大家近況，看著這女孩的眼睛，不用喝酒我也醉倒了。

吃完後便買珍珠奶茶，她告訴我她明年要結婚了，還開心地拿了和男朋友儲存在手提電話裡的合照給我看。

當時，我面露笑容恭喜她，還懂得說：「個男仔幾斯文、幾好咁喎…」

但是心裡卻咆哮了一句：「我今次嚟台灣並唔係想聽到呢D架…」

雖則，我也知道和她已是沒有可能，但仍有一絲幻想。幻想破滅，也總會有些哀愁。

其實，咆哮那句，是開玩笑成份居多。

那夜，我乘九時五十二分的尾班高鐵返回台北。

其後，從朋友處得知，這女孩的未婚夫，是個大方體貼的人。而我，也為她感到高興。

現在的一切，也變得雲淡風輕。



沒錯胖虎，這女孩，也叫胖虎。

環保先鋒

香港百佳超市早前發起無膠袋計劃支持環保，要膠袋嘅就要俾多啲錢，希望市民減少用膠袋。但係以香港人精打細算嘅性格，唔鬧到佢九彩就奇，最終，無膠袋計劃捱到五日就收皮。

其實响外國，已經有好多超市唔派膠袋架喇，佢哋會提供紙盒俾顧客裝嘢。不過公平啲講句，外國地方人人都揸車去買嘢，無膠袋問題唔大。香港，要實行真係幾難。

要環保，又唔想俾人鬧，屎橋有一條。正所謂「家有一老如有一寶」，條屎橋係家中某一老諗出嚟，幾絕吓。條橋係如果顧客要膠袋，就要俾多五毫；如果顧客唔要膠袋呢，超市就俾番五毫優惠俾顧客。

咁，仲有無聲出？

「無… 呢篇呃吓post咁啫…」

又嚟點歌

言出必行，點呢首歌過你聽。

雙子男生

歡迎對號，哈哈！

口水多多又多心，
口甜舌滑無句真；
口是心非無良心，
口沒遮欄乞人憎。

晴陰雨天

早排音語兄講開佢個名嘅由來，咁我就响佢個blog度話好鍾意一首歌。

「晴天陰天雨天，你在何地，代表我天氣。」

聽歌啦。

點解咁架

响MS Word整到，但複制唔到落blog度。

妖妖妖妖妖！

人像攝影

Sara講得啱，人像攝影係好廣，男性、女性，而男女亦分小孩、年青、中年、老人家，而當中亦分生活、大頭、結婚、商業等等。

喜歡影相嘅，大部份都係年青女性。正所謂趁青春留倩影，所以呢一群少女可以好有耐性咁化妝梳頭換衫擺pose，毫無半點忸怩及怨言。而上咗年紀嘅女性，你試吓話同佢影輯相丫？佢哋實耍手擰頭話自己又老又多皺紋，一定唔肯。男性？肯同你座低一粒鐘先算啦，更莫講話擺pose。所以，基於需求，有年青美女做模特兒唔難。從商業角度看，少女人像攝影，賣錢亦係賣得最多。賣錢，唔係賣番俾模特兒，而係賣俾時裝雜諗等等。小孩攝影呢，哈哈，呢家嘢屈人水屈得最勁，火火媽媽有無嘢想分享？

影小孩，的確係難影好多。一張人像相影得好唔好，係睇攝影師同模特兒有無交流。之前同貓頭鷹傾過呢個話題，要影得好，就要投入，响最短時間內暫時愛上模特兒。而模特兒望就唔係望住個鏡頭，而係要望穿個鏡頭，望穿攝影師個心，咁影出嚟嘅效果先會好，唔會俾人感覺到空洞冷冰。所以呢，我主張一對一影，而極其討厭一個模特兒擺姿勢，然後成班麻甩佬响度影呀影，咁影出嚟係無意思嘅。小孩子呢，係唔識得同攝影師交流，所以，影小孩相係較為單向。而攝影師又要用好多間接嘅方法去引導小孩子點做點做，聽話嘅都好，唔聽話嘅就影成日都影唔到一張好嘅相。所以，火火媽媽，如果個攝影師可以影到你想要嘅感覺，一定唔會收千五呢個價錢。而去影樓呢，佢哋通常都有D古惑招去屈你錢。最常見係俾一個價錢好吸引嘅Package你，但只限一個pose。但當影相時，梗係唔會淨係影一個pose就收工啦，實會影多好幾十個。到揀相時，嘿嘿，無論你嘅定力係幾咁好，你都會有所動搖，乖乖咁做條快樂的水魚，任人宰割。

影樓相靚啲，好多人都以為係部相機嘅問題。其實，相機只係佔好少部份，影樓相之所以靚啲，秘密係燈光。我哋日常影相，多數都唔會點睇光線來源。嘩果邊有陽光喎，去果邊影咯。但係日光直接射落塊面度，係最差嘅lighting，除非你想影到自己成隻熊貓咁啦，否則，盡可能唔好响太陽底下影人。而室內或夜間影相，用閃光燈在所難免。一般相機嘅閃光燈係直打，直打落人臉嘅唔好處係塊臉出唔到陰影位，出嚟嘅效果當然係成塊包咁啦，所以好多時我哋都會覺得啲人上鏡肥過真人就係咁解。影樓相呢，有好多種唔同燈光嘅setting，側光頂光斜光等等，加上化妝效果，可以加強需要highlight嘅部份同埋增強陰影，令人臉影得更立體，就好似第一張相咁。而柔光箱（soft box）側可以減輕hard shadow同埋模特兒臉上皮膚嘅質感紋理。基本上，影樓相無乜秘密可言，只要有好嘅燈光set up，就算用儍仔機都可以影到好靚嘅人像相。我相信，上影樓做一次模特兒，可以學到好多嘢，兵姐，對嗎？市面上好多護膚品廣告，除咗燈光效果外，模特兒塊面多數係經過photoshop矇化處理，先至可以整到皮膚又白又滑。一張相放到幾層樓咁高仲要睇唔到半條紋，跟本無可能。

影黑白「灰」人像照呢，就有啲唔同。影老人家時，多數會影黑白「灰」，因為以側光打落塊面度，皺紋同膚色既對比就更加強烈，可以營造出滿面風霜嘅滄桑感。而美少女，因皮光肉滑嘅關係，如果就咁影黑白「灰」相呢，塊面就會白晒，成隻碟咁，毫無立體感。用側光加強陰影得唔得？

就如美少女一號咁

效果其實唔係咁好，雖然側光可以增強面部立體感，但係依家影美少女喎，無理由要將美少女塊面用陰影遮鬼住格，黑白「灰」相仲要遮半塊面，會唔會怪異咗啲？所以呢，功夫就响化妝度。影美少女黑白「灰」相，個妝要濃，唇色要深，加重面脥鼻樑眼影，增強對比度，令面部輪廓更突出。用正面頭頂光，減少面部陰影，出到嚟嘅效果就會好好多。咁以上五張彩色美少女相，邊張變黑白相會好睇呢？

我就認為係呢張。

噢，要清潔sensor囉…

因題材太廣，容許我，分幾次同你哋一路傾一路講... 或唔再講...

黑白照

「抱抱到了我進睡
獨自就像沒伴随
背對鏡去抹眼淚
年月逝去

慣了說我太安靜
學習著獨立過程
發覺了也太鎮定
未夠感性…」

撈啦撈啦，今次唔係深宵點唱節目，唔好意思，尤其CK兄。

個人唔係黑白照愛好者，响大師傅面前談論黑白照，實在汗顏。

黑白照，跟字面意思，實有誤導成份。一幅真正嘅「黑白照」，理應如下圖：

攝影高手光圈先決先生曾撰文講及呢種「文字」場境模式，除去色彩及灰度，把相片變成白紙黑字，係方便閱讀。

淨用黑與白看世界，一切都係白紙黑字，會唔會太尖銳、太冷冰、大沉悶呢？

再看看同一張照片，一幅非真正嘅「黑白照」：

加番灰度，照片少了尖銳冷冰嘅感覺，和諧咗，而且更可以清楚睇到城堡磚牆嘅detail位。加番灰度嘅照片，確實係清楚過非黑即白嘅照片。

依家新型嘅數碼相機，响睇相時都會顯示有無曝光不足或曝光過度從而令相片某些部份影出全黑或全白嘅情況。全黑或全白嘅唔好處係失去detail位，呢樣係攝影師最唔想見到嘅效果，一定會避免呢種事情發生。相機係中立，可惜係死嘅。但攝影師係生嘅，跟據自己嘅意思去避免全黑或全白嘅情況發生，係對世界及眼中事物載有無限感情。

再看看呢兩張真偽黑白照片，究竟個天係咩色？

原圖在此。

今晚冇節目

接CK


網友乙：「你講真架？」

網友甲：「係呀！去啦去啦。」

網友乙：「咦！可能撞正空姐喎。」

網友甲：「係架。唔知真係撞見認唔認得呢？」

網友乙：「未必，哈哈，唔知乜樣。」

網友甲：「真人唔知靚唔靚呢？又話時話，呢幾次搭Cathay，我都特別留意下D空姐個name tag。」

網友乙：「哈哈我都有。佢化咗妝，應該ok。」

網友甲：「點呀，去唔去啫？我想溝吓女，揾番初戀呀！妖…」

網友乙：「初戀？要學生妹喎。」

網友甲：「學生妹？好丫，我鐘意鄧麗欣響十分愛裡面果個學生妹look。」

網友乙：「叫Stephy扮丫。」

網友甲：「哈，好呀。」

網友乙：「俾你講兩講，我都好悶呀~」

網友甲：「我要溝女呀~」

網友乙：「上網溝住先囉。」

網友甲：「溝邊個先。」

網友乙：「响fb點個囉。」

網友甲：「嘩，得唔得呀？你試過呀？我要初戀果隻喎？」

網友乙：「無喎, 我都無玩。」

網友甲：「妖！咁去唔去呀？」

網友乙：「去！幾大都去！」

網友甲：「做乜突然間又咁堅決嘅？」

網友乙：「因為今晚我… 反轉個老蘭都要揾到空姐出嚟！」

公幹奇遇

狹小的經濟艙座位，隆隆的引擎聲，要好好的酣睡一會，很艱難。

從來也未曾可以在飛機上熟睡的我，喜歡靠窗而坐，不能睡，便看看地面的燈光和天上的繁星來打發時間。正當人人倒頭大睡，而我也看星看得出神的時候，那位樣子甜美的空姐走過來，著我掩上窗子。那飛出了地球正向著土星進發的思緒，一下子被拉了回來。

「真係唔好意思…」我說。

再看看她掛在胸口上的名字牌…

「ER…」

「我有乜可以幫到你？」

「可唔可以俾杯蘋果汁我呀？」

「可以，我轉個頭攞俾你呀吓。」

「唔該晒你呀，Elaine。」

「唔好客氣啦。」

坐飛機的時候，我喜歡有一杯滿滿的蘋果汁安放在餐桌上，待必要時飲用。機艙裡空氣極為乾燥，喉嚨常常也覺不適。呷一口蘋果汁，可舒緩喉部的痛楚。

如是般要Elaine來來回回，蘋果汁換完一杯又一杯，不知不覺間，飛機已準備降落。

跟據統計，空難事件，最常在降落時發生。每當降落時，我也緊張得雙脚發冷掌心冒汗，直到飛機轉入副跑道駛向停機坪時，我才鬆一口氣。

排隊步出機艙時，站在太平門旁邊的Elaine向我說了一句：「再見，希望可以再見到你。」

「哦…」

全程機也睡不著的我，已疲倦得不能自控。面對這位誘人的空姐，竟說不出半句話來。

唉！

踏入大堂，工作緩慢的海關，差點兒讓我站立也能睡覺。

一輪公式的問題，一輪公式的回答，他們想要的，是稅收。我想避免的，是交稅。

行李遲遲還未運出，我站在行李輸送帶前，左顧右盼。看見不遠處有一對金童玉女也正等待行李。男的風度翩翩，貌似方力申。女的嬌俏可人，七分似鄧麗欣。沒多久，那女子可能也見等得太久了，便拿出手提袋中的手提電腦，不知是「facebooking」，還是工作中。

終於，行李出來了。看見一件件從眼中溜過的行李，疲憊不堪的我也開始頭暈了。怎麽我的行李還未出來？怎麽我的行李還未出來？等等等，等了又等，究竟，人一生到底花了多少時間在「等」呢？等人等車等船等飛機等電話等電腦開機等食飯等天光等日落等花開等葉落等工開等運到等等等等… 如果我們不用等，我們到底可以騰出多少時間去做自己喜歡的事呢？

好不容易，才等到我的秀麗行李匧。二話不說便把它扯出來，當然，對著不懂說話的死物，又有何話說呢？

咦？那對金童玉女呢？大概是走了吧。如此碧人，不上前結識著實可惜，只怪自己人緣未夠。

乘的士回家，司機咕嚕咕嚕想和我談話。大腦已噹機的我，只能給他哦哦兩聲敷衍了事。

回到家中，打開水龍頭，熱水從花洒中徐徐流出，一身的疲累，彷彿隨著熱水和皂液，一同被沖走。

突然間，聽見同居女友一聲尖叫，我即時光著身子衝出浴室，看看發生甚麼事。

衝到房間，看見我的行李打開了，再望望同居女友，她用極其憤怒的眼神厲著我，手上則拿著一堆色彩豔麗的比堅尼，有天藍色、純白色及桃紅色等等…

「你… 又話去公幹！其實係去風流快活！」

「Oh.. My.. God…」

只見一隻桃紅色比堅尼上衣擲到我的眼前，我，即場昏倒不省人事。

兒時玩意

小息鐘聲響起，小朋友們便一窩蜂地跑到操場嬉戲。

不遠處一角落，有三位小朋友靠牆而立。在他們面前的，是一條長長的人龍。

當時，八歲的我，便站在這條人龍中。我們，正玩著猜皇帝。

猜皇帝的玩法很簡單，包剪。包贏，贏剪，剪贏包。一個做皇帝，然後選兩個左右護法。

想做皇帝，首先要猜贏左青龍，一盤定勝負。勝進級，敗滾蛋。

猜贏左青龍進級後，便可和右白虎猜。兩盤過，連勝兩盤才可進級。

僥倖猜贏右白虎後，便可挑戰皇帝。猜三盤，連勝三盤便可當皇帝，再挑選新的左右護法。

一加二加三，要連勝六盤方可做皇帝，這並不是一項容易的遊戲。在六年的小學生涯裡，可明正言順地稱自己為朕的機會，屈指可數。

猜皇帝這種玩意，最白痴就是當皇帝，悶得發慌。這正和職場上一些關乎工作量不平衡的情況一樣，有些人做死，而有些人則歎死。

可是，基於虛榮心及唯我獨尊的自我陶醉驅使下，人人也得想謀朝篡位。

年少氣盛，或年少愚昧的我，一當上皇帝，便挑選兩位精壯猛男當我左右手。

真笨！當皇帝，何不當風流皇帝？挑兩位相貌標緻的女同學來當妃嬪，待雙手空閒時，左右手同時輕擁兩位妃子的纖腰，然後情深款款地說句：「辛苦你兩位啦，抵我咁在乎偏愛你哋…」剎那間，兩位妃子淘氣地一踭搥在朕的胸口上，還嬌呻一句：「吃我豆腐丫嗱，批死你…」今次真是… 做鬼也風流。

估不到，兒時的小玩意，現在竟然有錦標賽。

昨天，體育台播出早前在拉斯維加斯舉行的包剪錦標賽，冠軍有五萬美元獎金。

西方人天性愛玩，打扮古靈精怪，比賽時雖然緊張，但他們也享受過程，勝的固然開心，但敗的也能盡興，一於齊齊玩足一個晚上。

不看也不知，跟據正式規例，出包時手一定要水平地出，直立地出包會被判為敗的。

觀看時我也喜歡代入參賽者的心情。猜度對手的心思，就如一對男女，在未正式確認為戀人身份前，大家你猜我我猜你、知道被揭穿還極力隱藏和想說還不說的心情一樣，都是那麽的驚險刺激。

嗯，久違了的心跳。

嘿

序 OCT 2007

「嘿」呢樣貨品原產於德國既一間樹上小店
個店主仲有潔癖
成日洗地

（70F）

~ ~ ~ ~ ~ ~ ~ ~ ~ ~

樹上小店其實好整潔
只係水渠去水位間中會有點小問題
每當水渠瘀塞嘅時候
樹上小店店主都會請隔鄰嘅通渠佬過嚟修理
但係呢位通渠佬就有佢自己嘅一套整法
唔容許別人加插不同嘅意見
由於通渠佬剛愎自用
死用過時嘅技術用在新科技上
所以通渠佬成日攪到樹上小店一鑊泡
成地污水不特止
仲將原本屬於通渠舖嘅一陣酸宿味帶到樹上小店來
樹上小店店主心地好
唔想俾人知道呢位成日見面嘅通渠佬係如何不濟
於是成日洗地
洗走果陣酸宿味
免得影嚮呢位通渠佬嘅生意同聲譽

~ ~ ~ ~ ~ ~ ~ ~ ~ ~

喜歡寫隱喻故事


請容許我引用樹上小店店主的故事裡的一句話：

「你應該知道，世界就是由隱喻所組成。」

如果
世界是由隱喻所組成
那麽
世間事就得由隱喻故事說起

~ ~ ~ ~ ~ ~ ~ ~ ~ ~

火無熄滅
依舊熾熱
更不比一車鐵芬妮遜色
怒火撩原
繼續燃亮自己喜歡的人和事
燒焦自己痛恨的人和物

特別回應

請對號：

孩童時還未懂得容下別人，內心不知空洞滋味。

隨著孩子成長，便學曉把別人放在心上，先是父母，再而是兄弟姊妹親戚朋友。

孩子再長大點，便不捨得把放在心上的人放低。心，便覺重。

當孩子長大時，便醒覺到人生原是虛無，從而有了放低別人的準備。心，便覺輕。

輕，是空虛寂寞。

我的心，也開始輕。

內心曾經重過，輕過，便是活在當下的証據。

人生路上有位好朋友可以互相為大家平衡輕重，多好。

希望你們安好。

心灰意懶

唉，呢排思緒比較混亂，成日留錯言講錯嘢，再加上CK兄又休息、大鐵鎚又去公幹、小側田又去讀書、小珠又離家出走、喵呀喵亦呀亦又唔睬我、惡妹妹又偏心女仔… 睇嚟我都要抖吓啦。

有睇開早期「人在中環」嘅朋友，都大概會知道「鶴立雞群」係為何而生。從初初睇住CK兄寫生活到工作，又睇到渣老闆以口臭臭爛笪笪嘅角色出現，兩個老闆喺到呻，寫嘅開心睇嘅過癮，又真係幾好玩嘅。到自己寫blog果時，又滿腔理想，想寫番D驚天地泣鬼神嘅曠世之作，點知，無啦啦又彈隻豺狼出嚟講森林故事。唉，墨水又唔夠人咁多，文采又無人咁好，咁我唯有寫番D生活事吊住吊住咁啦。我以為，我呢種隱姓埋名嘅小市民，寫blog應該無乜壓力。但事與願違，原來，我都係有嘢唔敢寫。

講真，我同CK兄嘅諗法一樣，我對blogging都係有期望，都係想寫番D有point嘅嘢，我真係好唔想好似寫日記咁話今朝返工放工後去咗邊度食飯好好味然後返屋企。CK兄休息，對我的確係有D啟發，或者係提醒咗我已經去到一個樽頸位或掘頭路。

虛擬同真實，我都開始分唔清。好多人認為，開部電腦上網，就可以用另一個身份去同人溝通，更可以我性格我塑造。但諗真D，電腦已經係日常生活嘅一部份，究竟，每日出街對住人果個樣，係真正嘅我，抑或對住電腦果個樣，先至係真正嘅我呢？我唔知道。我，需要去思考。

各位，如果見到我講錯嘢，我响到講聲唔好意思。

呢篇，抽咗CK兄好多油水。但係，我無罪惡感。

匿名友，你仲喺咪度呀？抑或化咗身寫blog呢？Send個貓告知我你嘅近況好無？

不要忘記

嗱嗱嗱，咪話我三張幾嘢仲响度追星呀吓，

其實我有任務在身…

我偶像嘅偶像，即係我嘅超級偶像！

曲目如下：
1. 初見
2. 十‧分愛
3. 不要離我太遠
4. 青山散步
5. 電燈膽

咦咦咦，點解越睇越面善嘅？我係咪Date過佢架？


同場加映：酒杯敲鋼琴

無糖童話

七十樓的「無糖童話」。

魔術師的「無糖童話」。

長頸鶴的「無糖童話」：

70：「長頸鶴哥哥，你果日响CK度刪咗果篇留言呢，講番俾我哋聽得唔得呀～」

CK：「係吖講啦，你刪得咁快，我都趕唔切睇～」

長頸鶴：「咳咳，要我講番果段嘢？得，唔係唔得，不過呢～」

CK：「不過咩呀～」

70：「好好好，長頸鶴哥哥你又英偉又醒目，你咁醒，就講番段嘢俾我哋聽啦，其他人D留言硬係無你D咁到肉架囉～」

長頸鶴：「唉，咪講埋D肉麻嘢啦，英偉醒目又邊有我份吖！好喇講啦，塞住你把口。

其實呢，個留言我係話CK咁樣對D小朋友，心地真係好嘞。

講完。」

CK：「吓？就係咁？無理由嘅，長頸鶴你唔會响我度淨係留D咁嘅嘢果喎，快D講番正題啦～」

70：「長頸鶴哥哥又英偉又醒目～」

長頸鶴：「好啦夠喇，咪再潤我啦，我繼續啦！

小朋友嘅世界，的確係單純D，無咁多灰色地帶，非黑即白，更唔怕講出心裡面嘅感受。遇見又索又叻嘅靚女嘅時候，佢哋會唔怕講：姐姐你好靚呀，我鍾意同你玩。當遇到委屈嘅時候，就算係阿媽，佢哋都會鬧：我唔鍾意你呀！

人長大後，要將事情諗到好似小朋友嘅咁簡單，唔難。

但如果要做到好似小朋友做嘅咁單純，最難。」

CK：「呵欠！唔好講喇，好眼瞓呀，瞓喇。」

長頸鶴：「仲有一句未講，唔瞓得住！

最後無論大雄係有心抑或無意都好，睇怕，以後都幾難會有人肯再同佢玩Lu。

好，講完。」

70：「．．．．．．」

CK：「．．．．．．哥哥，咁呢段留言其實有咩要旨呢？」

長頸鶴：「無，其實係想講個道理過你哋聽：如果你諗嘢係諗到好複雜嘅話，咁你就好難去勸服人哋諗嘢簡單D，咁囉。」

CK：「咩呀？」

70：「．．．．．．哥哥，CK個故事係咪真架？」

長頸鶴：「CK個故事係真嘅，但其實我想講嘅故事又唔係你哋諗緊果個故事囉。好，去瞓啦。」

!#$&^**@%^&^&@$%^@#@

是夜，唔駛根據任何人嘅預言，係人都知道長頸鶴跟CK跟70都一定瞓唔著。

專訪後感

「如題，想寫CK兄的專訪讀後感。
不過呢篇文比較特別，可能會寫，亦可能唔寫。
一切視乎情況而定。」

最後，都係唔寫。

完

人生風光

對於人生
我傾向欣賞沿途風光
多於尋求真相

接觸恬靜純樸的大自然
避走喧鬧混濁的大城市

我好火
是不忿大自然被污染
我深情
是懷念過去道路上的種種美好

美麗的風景
可從多角度欣賞
更可嘗試把它倒轉
或許
一幅漂亮的油畫
就在眼前

一屋兩貓

「Tiger Tiger，今日咁好天，不如一齊捉雀仔丫？」

ZZzz ZZzz ZZzz......

拖馬覆啅

艾奧里亞

黄金聖鬥士之一，陣守聖域第五宮獅子宮。性格剛烈正義，自信，認為正確嘅事就不顧一切地去爭取，視死如歸。死，唔緊要，最緊要死得光榮。喜歡以力量取勝，光明正大，討厭一切卑鄙下流手段。或者因為咁，就予人一種匹夫之勇唔曉轉彎嘅感覺，從而被一位我在乎嘅女仔唔認佢收場，還稱佢為potato。

不過，仍無損我對艾奧里亞嘅欣賞。

睇得明我講乜嘅有心人，請留個言俾我啦。

睇唔明嘅朋友唔緊要，睇吓有無人留言俾我啦。

接招！閃電戰鬥拳…

未知生死

喵呀喵，今次同你玩，引用你一段留言先：

「無宗教信仰既人，確實唔知做人為左乜，亦容易以為自行了結就能使自己從痛苦中得到解脫。

怎麼沒有人想過，安樂死後迎接你的會是什麼？如果知道那將會是在一個很悽慘的境地做N年遊魂野鬼，又或是要下地獄受永遠的煎熬，你是否寧願痛苦地捱過這一世，然後升天堂或投胎下世享福？

其實任何苦難都有其前因，這一世遇上不幸，必定是前世唔修的後果，要做應該是認命，捱過去，還了這筆債就扯平了，再積點德，下一世可能還會有福報。做人若是不信命的話，會活得很苦。

再說，殺人，怎樣看也是罪吧，那你自己是人嗎？結束自己的生命跟殺人有何分別？我們怎會有權這樣做呢？生命是上天賦予的，自行了斷等如逆天而行，必遭天譴。

我不是在自命清高，我也有想過尋死的時候，但我知道，若我真的走上不歸路，我其實不會得到解脫，反而會墮進永恆的深淵中．．．所以，決定結束自己生命的時候，真的好應該想一想，你目前遇到的困境，比起死後要面對那永無止境的痛苦，你會選擇承受哪一樣？」

講明先，我唔係扯火或撩交打，而係想討論吓一D深入D嘅問題啫，咪以為我同喵呀喵反面呀吓！

未知生焉知死，抑或未知死焉知生？

每個有獨立思考嘅人，都係從人生中嘅經歷體驗去參透生命嘅意義，並唔係從死後會點點點去推斷番生活在世嘅意思。

喵呀喵，你所講安樂死嘅果係去地獄受到煎熬，呢個說法，係以果去推斷因，抑或由因去推斷果？你係從邊度得知地獄煎熬呢個Situation？

如果由果去推斷因，咁，地獄煎熬就係一個假設，而呢個假設，又係憑乜嘢推斷出嚟？

如果由因去推斷果，咁，又憑乜咁肯定安樂死嘅結局就係受到地獄嘅煎熬？人犯咗咩法會受到咩懲罰，有（法）例可尋。安樂死嘅懲罰係要下地獄受永遠的煎熬，又有乜可以驗証？

世上每一個人都有信仰，或者講信念會好D，因為講信仰嘅話好多時都會令人誤以為宗教信仰。所謂嘅無宗教信仰者，其實係佢哋對生死嘅意義同世上任何宗教對生死嘅意義有所不同。但係，呢群無宗教信仰者，又係咪真係唔知做人為乜呢？

結束自己嘅生命，有無分急性同慢性？譬如，係人都知長時間唔食嘢會死。如果，安樂死啪支針即刻死係罪嘅話，咁，因減肥而引致厭食症死嘅人，又係咪有罪呢？又譬如，如果有人知道自己有心臟病，但又不顧一切在所不惜咁同女朋友玩刺激性遊戲而中馬上風死亡，佢又係咪會去地獄受到煎熬？

喵呀喵，我幾欣賞你講出呢段嘢，不過呢，我覺得你個point同說服力唔夠囉，仲有茅盾添。至於茅盾响邊？答咗我呢個問題再話你知啦：你覺得一個全身癱瘓嘅人嘅痛苦係乜？

道別皇后

可不可以
讓我在這裡
靜靜地
悠閒地
緬懷過去？

功能轉換

有無發覺，好多時我哋都會將一啲物件變為多用途功能，例如，我哋會將報紙雜誌用嚟墊煲底啦、將屋企嘅傢俬變做活動晾衫架啦、以及將手機家電等變做時裝時尚品味嘅一部份等等。似乎，我哋都幾識得靈活變通，物盡其用。

唔只物品，我哋有時仲會將一啲function活動嘅意義變作另一樣嘢。舉一個例，有好多人想睇一套戲嘅時候，佢哋通常都會約人睇。但係當無人陪到佢睇嘅時候，有大部份人寧願唔睇。咁，佢哋睇戲嘅目的，係為自己買兩個鐘嘅娛樂，抑或係買兩個鐘嘅社交時間呢？我講得出呢個例子，我，當然會一個人走去戲院睇戲啦。

最近，我有個回流咗返香港做咗老細嘅朋友將會返嚟走番轉，呢個老友呢，同我一齊讀書嘅，都識咗十幾年喇。响十年前Tiger Wood轉打PGA果陣，我哋就一齊受到佢影響而去學打golf。佢今次返嚟，梗係晨早就約我打番場波啦。我叫佢唔駛帶架撐過嚟，我哋有多一套，拎嚟拎去貪佢重咩，不過呢，佢話：

「I am thinking to bring my own (set) but not gonna bring it back」
「planning to get a new set here…」
「to be honest」
「HK ppl sucks」
「When bringing a set of RAM out」
「Little embarrass」
「You know they all use good brand」
「And nobody knows what RAM is…」
「This is HK」

跟住我話：「Chiu! 你同佢講：扑低我先講啦。」

然後我老友就話：

「aiya」
「golf not for fun ma」
「just to meet with business ppl」
「need some window dressing…」

聽完佢咁講，我，搖頭嘆息。
其實，點解傾生意一定係响高爾夫球場呢？
鍾意打golf嘅人，多數唔鍾意一路打一路傾工事。
唔鍾意打嘅，一拎起支棍就眉頭皺。
如果你鍾意打golf，又想睇吓人哋有無耐性，咁你就捉蟲喇。因為如果人哋唔識打，打完一個洞要半粒鐘嘅話，我諗，扯火果個會係你。

我諗，呢種現像最主要嘅原因係高爾夫球嘅會藉同價錢會令人覺得高尚啲，自身嘅身價感覺上亦得以提高。

以前，相同嘅例子係網球，只有富豪先會打。
但係，當網球平民化咗之後，班有錢佬呢？佢哋唔係好鍾意打網球架咩？

好一個將運動轉化為身份象徵嘅例子。

丫，我諗，如果真係要懶高尚嘅話，不如將桌球變作高尚運動，會藉幾皮嘢一個，cue棍幾千銀一支，都係將個波打入個細窿到啫，又有冷氣廿四小時不停開放，唔駛行到荒山野嶺身水身汗，再整埋個事務律師睇場，嘩，幾咁好呀！

老友，請放心，返到嚟打番場真真正正嘅波啦。

咪喇，嗱嗱淋練波先。

扑低我先講啦。

深夜深情

五‧一個人飛


自憐自艾過後，熱熾的心開始冷卻下來，痴情夢醒了，便重新上路。

這一刻，又有誰會一直堅守一個自篇自導的永遠承諾呢？

時間，可以冲淡一切。

以前，一個人過活可以很開心。

現在，一個人過活，為甚麼不可以精彩？

偶然憶起的往事，就讓它為心靈添上一點風霜吧。

記不起的往事，就讓它一直放在儲物箱中。直到一天再打開時，也可尋回屬於自己的青春。

想著想著，突然看到前路有隻動物屍體，轟的一聲給輾過了。

是浣熊吧。

公路上，大至野鹿到細至松鼠的屍體也可以看到。在城市裡，也會發現家貓的屍體血淋淋地躺在路中。

看見這些動物給輾斃，內心難免耿耿於懷。

現在，是時候學習放下了。

漆黑的夜裡，我仍駕著車，一個人繼續向北飛馳。


記不起
甚麼驅使我喜歡你
看在眼裡看你熟睡多麼美
圍著這裡柔和天氣
我願隨風無聲遠飛

仍相擁
也不等於我了解你
決定放棄再去接受自已
曾做錯了仍然不生氣
臉上還有希冀

若是我記得你
亦是無須緊記
習慣一個人沒有傷悲
而無論舊時說愛多美
再過半天你便記不起
若是我要等你
亦是無須等你
遺留下這個世界向著前飛
縱愛理不理縱隔千里
誰預知將來或再一起
再戀上你
_____________________________________

各位，深夜深情已經播放完畢，希望喺不久嘅將來再同大家見面，多謝。

深夜深情

四‧最佳位置


明知對方的心已跟隨別人，但仍希望對方能在心裡的一個角落，給自己留下一個位置。如果對方日後受到傷害時，總希望他可以第一個想到自己。

遠遠的守候，是自己自篇自導的一個永遠承諾？

這樣的承諾，是浪漫，是自憐自艾，還是自己仍未能接受現實？


我也數過
排著隊等討好你有幾個
還未有新空缺來容納我
正選只得一個後選經已太多

我細心想過
停在今天這一處也不錯
越過知己的親密然而未有擁吻過
共你這麼的曖昧已得到甚多

無論你喜歡誰
請你記住留下給我這位置
時常在內心一隅
空出幾吋為我堅持
同渡半生
亦有張椅子
是否愛還是其次
只想你依然亦想得起我不是
任你處置

女友一走過
鄰坐空位都可以坐一坐
若你珍惜我不如從來沒有愛戀
互有好感的尊重更加可貴麼

無論你喜歡誰
請你記住留下給我這位置
時常在內心一隅
空出幾吋為我堅持
同渡半生
亦有張椅子
是否愛還是其次
比不上戀人但廝守一輩子

無論你喜歡誰
請你繼續留下身邊這個位置
時常在內心一隅
剩低幾吋
留給這女子
誰共你好都不礙事
我都會衷心支持
未必所有關係亦受得起刺激
但我可以

虔誠地熱戀一輩子
共你也許真的不容易
喜歡你最好不要講
安守這位置

深夜深情

三‧永遠愛著你


以前說過，人是最懂得欺騙自己的動物。

「為甚麽他對我若即若離？噢，可能他的性格是這樣吧。」

「為甚麽他還不給我電話？噢，可能他失掉了電話吧。」

「為甚麽他會到處跟異性搭訕？噢，正常社交吧。」

「為甚麽他這麽久也不找我？噢，可能他太忙吧，事業為重嘛。」

對喜歡的人，我們總有千萬個藉口為他的行為辯護，縱使他已離開，我們還會默默地等他回來，久久未能忘懷。

「為甚麽你不說一聲便走？」


我唔知道點解你要咁對我
我只係知道
無論你點樣對我
我都係咁愛你
或者你根本無愛過我
甚至恨我
但係我仍然永遠永遠愛你

永遠愛著你
就算夢碎了都深愛你
永沒法地淡忘
對不起
恨我仍想你
恨我仍這般苦痛
因為愛你
深深愛你

也許現在或以後的愛全付給你
無論與你相對
無論與你別離
也許將一生的所有愛全奉給你
無論你會繼續去等
無論你已心死
愛著你

也許現在或以後的愛全付給你
無論與你相對
無論與你別離
也許將一生的所有愛全奉給你
無論你會繼續去等
無論你已心死

也許段段追憶哭笑全部因你
無論你愛戀我
無論你愛別人
也許現在決定一世留下給你
無論要我繼續痛苦
無論要我傷悲
愛著你

深夜深情

二‧傷寒


一直有一個概念，兩個互不相識的人就像兩條相隔很遠的平衡線，你有你的軌道，我有我的目的地，互不相干。

在一次偶然的機會下，兩條平衡線發現了對方的存在。

通過種種的觀察溝通，兩條線開始慢慢地接近。當兩條線發現大家的思想是一致的話，大家便會結合，一起走向目的地。

縱使不能結合，兩條線多會變成火車路軌一樣，互相扶持。

但是，為甚麽有一條線突然間九十度向外轉呢？

我感到冰冷。


聞說人變得激憤便流汗
怎麼我驟覺背後有一陣寒
仿彿你令到室溫
突然絕情地急降
垂頭都可感到你冷冷目光

完了還有聲音正在迴盪
刀鋒那樣快試問我怎預防
彷彿再沒有可惜
別離亦無謂悲壯
如隨手的拋棄冷卻了便當

明天即使穿上薄薄襯衫
孤身攀上極地雪山
路上那積雪仍難及你冷淡
情感不必等到熱度退減
冰封三呎就在瞬間
冷進血管裡
一生都驅不散

何以從沸點一跌就零度
中間有沒有故事我不知道
當天那熱熾的好
突然被全部虛耗
如寒冬的天氣說要到便到

明天即使穿上薄薄襯衫
孤身攀上極地雪山
路上那積雪仍難及你冷淡
情感不必等到熱度退減
冰封三呎就在瞬間
冷進血管裡
一生都驅不散

步入炎夏
但我呼氣也是冰冷
白霧瀰漫
就似感嘆
結聚沒有消散

明天即使穿上薄薄襯衫
孤身攀上極地雪山
路上那積雪
仍難及你冷淡
情感不必等到熱度退減
冰封三呎就在瞬間
冷進血管裡
一生都驅不散

情感不必等到熱度退減
冰封三呎就在瞬間
望著雪崩到
都得睜開雙眼

深夜深情

一‧楓


零晨四時許，天還未亮，陣陣涼風把黑夜吹得有點寒涼，這時，人人也在熟睡之中。

突然，一道刺耳的引擎聲劃破了寂靜的夜空，驚醒了好夢正酣的貓兒。貓兒用極度不滿的眼神探過究竟。只見一輛廉價房車，用時速一百四十公里，向北飛馳，霎眼間已埋沒在潻黑裡。

車廂內的唱機傳來了陣陣歌聲：

「…緩緩飄落的楓葉像思念
我點燃燭火溫暖歲末的秋天
極光掠奪天邊 北風掠過想妳的容顏
我把愛燒成了落葉卻換不回熟悉的那張臉

緩緩飄落的楓葉像思念
為何挽回要趕在冬天來之前
愛妳穿越時間 兩行來自秋末的眼淚
讓愛滲透了地面我要的只是妳在我身邊…」

失控的思憶，並不是毫無因由地發生的。在經歷過的事情裡，必定會對一些細少的事物不自覺地留下深刻的印象，這可能是當時看過的一本書、品嘗過的一道菜、看到的一件小飾物、說過的一句話或是聽過的一首歌等等。當事情變作歷史的時候，記憶可能被時間冲淡，但是再回看那一本書、吃回那一道菜、看見那一件小飾物、聽回那一句說話或重聽那一首歌時，當初種種的回憶，立時湧上心頭，一發不可收拾。

這時，一段短短的經歷，在我的腦海裡湧現出來。

當時，我聽了這首歌。

身世之謎

老豆臨送我出國前，擺咗張女人相喺我身邊。唔知道佢係咪我個親生阿媽呢？唉，只怪我老豆風流成性…

絕情谷底

姑姑，你今日心情點樣呀？好番啲未呀？想食咩嘢呢？不如我請你丫。


（絕情谷底乃參照本地一華人電台節目改篇）

再談淫嬸

上次未完，明報單嘢丫嗱，嘿！今次再整段嘢你慢慢嘆！

（轉載自亞洲週刊 – 二十一卷二十二期）



言論自由與冒犯的權利‧林沛理

「在多元社會，若公眾的利益攸關，傳媒不應輕易為怕冒犯某些人，而剝奪大多數讀者的知情權。」


有人說，美國最有權力的人不是總統，而是最高法院（Supreme Court）的九名終身法官。這種說法也許誇張，但不容否認的是，美國最高法院的權力大得驚人—它的判例對全國皆有約束力，並且有權通過具體案例宣布聯邦或各州的法律是否違憲。

不少人對最高法院在重要和具爭議性的問題上操生殺大權不以為然。他們認為，只有由人民選出，也因此必須向選民負責的立法機關的成員，才應該有權就墮胎、安樂死、人權和言論自由等問題作出影響深遠的決定。連美國的第十六任總統林肯，也擔心由幾個總統欽點的法官獨攬大權，會導致「人民不再當家作主，而將管治的責任糊里糊塗地交到法官的手裏」。

扯到美國最高法院，是因為覺得在香港的淫褻物品審裁處到處張牙舞爪、揮舞它手上辟邪除魔的尚方寶劍之際，我們有必要對即使在一個法治的社會裏，司法權力被挪用和被濫用的可能提高警覺。

首先讓我們弄清楚一個事實：淫審處的評級裁決並非只是跟社會道德有關的決定，而是牽涉到權力分配和建立價值等級（hierarchy of values）的政治決定。所謂價值等級，是指在若干情況下，兩種或以上同樣得到主流社會認同、甚至鼓吹的價值互相衝突時，決定哪一種價值應該被放棄和被犧牲，哪一種價值得到保留和彰顯的一套不成文的取捨標準。

在淫審處將《明報》轉載《中大學生報》情色問卷的副刊裁定為第二類不雅物品時，兩種互相抵觸的價值分別是新聞自由與對所謂社會的「道德大多數」的道德標準的尊重。亂倫和人獸交有違社會的道德標準，這是毫無疑問的。問題是傳媒是否有必要把它們當作在任何情況下都要刻意迴避的社會禁忌，以避免冒犯社會人士的道德意識，甚至為此要付上新聞自由也在所不惜？

《中大學生報》的情色版被定為不雅是一個具爭議性、甚至衝擊社會和諧的決定，《明報》轉載它的部分內容，並且刪去其中最令人反感的字眼，是在盡可能不冒犯社會人士的情況下，為讀者提供一個自行判斷有關刊物是否不雅的機會。這是合乎公眾利益的：畢竟所謂社會的「道德大多數」只是淫審處根據投訴數字所作的一個假設。公眾有權利，甚至有責任去查證，淫審處的評級是否有效和合乎比例地反映了他們的道德標準和道德意識。

從這個角度看，淫審處將《明報》定為二級不雅物品，它向整個社會發出的信息是：同樣是被廣泛接受的社會價值，不冒犯別人的重要性，凌駕於新聞界的出版自由和公眾的知情權之上。而這套價值等級從未經過社會的討論，甚至從來沒有言明；而只由淫審處的審判員在閉門會議中自行決定，然後再以裁決的形式加諸於社會大眾身上。這是整件事最令人反感和擔憂的地方。

新聞自由是民主和自由社會最值得珍惜和維護的價值之一，這早已是老生常談。有英美法律學者，如分別在紐約及倫敦任教的法學家德沃金（Ronald Dworkin）甚至認為，新聞和言論自由應該不設底線和上限，不僅可以冒犯別人，更包含了嘲諷的權利（the right to ridicule）。我們當然不必附和這些較為偏激的觀點 ，因為它也會導致新聞自由被濫用。兩年前挪威報章轉載十二幅醜化回教先知穆罕默德的漫畫，引起軒然大波，這就是一個新聞自由被濫用的例子。但平心而論，倘若公眾的利益攸關，傳媒不應輕易為怕冒犯某些人而剝奪大多數讀者的知情權。新聞自由或言論自由，本來就包含了一定程度的冒犯的權利（the right to offend）。

何況在一個多元的社會，一個人喜歡吃的肉可以是另一個人的毒藥（one man's meat is another's poison）。淫審處在確保某些人不會受到冒犯的同時，很明顯已經冒犯了另外一些人。其實，在《中大學生報》的情色版事件發生之前，淫審處的缺乏常識與文化素質，以及它對某些自認為道德捍衛者的人士的刻意逢迎，早已使它成為將香港社會帶往弱智化的方向發展的「笨下去」機制。投訴聖經當然是荒謬，但也不過是將作為淫審處行動基礎的投訴邏輯推到極端而已。

嚴懲力打

「鶴立雞群」這個blog，是給blog主我，火鶴，亦只是火鶴，用之洩忿和抒發感情專用。

但是，昨日竟然有人在未知會本人的情況下利用本blog來散播仇恨信息，這就有如在沒有詢問別人的情況下就在別人的床上大便一樣，毫無分別。

你，這等幼稚的人，是永遠得不到幸福的。

除非你的智力仍然是停留在十歲以下，否則，請學會何謂尊重和風度。

已經不是第一次說的了，廢物男，本人最看不起。

粉絲心情

如果不怕起雞皮，容我點番首歌過你聽。

新的一天

舊同學豬女嘅離開雖然傷感，
但係呢個世界嘅希望同歡樂，
足可以掩蓋內心嘅悲痛哀傷，
可能係我同豬女嘅友誼未夠深嘅關係吧。
點都好，要多謝一班虛擬朋友仔嘅安慰，
更要多謝幾位新留言嘅朋友，
我好好多啦，見過我留言嘅人都知我「正常」番。
最近天氣好悶熱，濕度高又塵霧煙霞。
直到今朝一場雨，
天氣又變番清爽怡人，
大自然嘅定律就係咁，
暴風雨過後就係新嘅一日。
無論幾熱幾濕幾大雨都好，
日子，都係咁過，
始終會有雨過天晴嘅日子。
响唔開心嘅時候，
我又睇到D有趣朋友寫嘅嘢，
即時令我開心番。
阿喵衰衰咁發表正比定律，
吹到熊仔係神咁濟。
昂藏七呎鞭長及膝我就信啫，
昂藏七呎嘅三腳架，唔係呀化？
邊有人會隨時隨地帶多包血出街架？
如果係真嘅話去睇吓醫生好。
阿易師太就話領教過武當太極劍法，回味無窮，
更吹說其情人外號「一夜七次郎」。
我初初聽到就嚇咗一跳，
然後就得啖笑。
玩雜技玩成咁？
日本首席雜技師阿加鷹哥都頂唔浦啦。
計我話「WB7次郎」就真。
見新嘅一日天氣好，
晏晝就走去全球知名嘅牡丹樓刷鑊勁嘅。
見二號櫃枱果位姐姐嬌俏可人，
於是埋去講「May I have a Big Mac™ and medium fRies please？」
正當我埋頭數散銀時，可人兒用重脷音問我：
「Oh fLies？」
「YA，SPANish fLies！」串我！
呢個時候可人兒就用嫵媚嘅眼神向我單一單眼：「Oh behave…」

成長預期

在人生中的每一個階段，總會遇到一些預料以內的轉變和經歷。譬如五六歲脫牙的時期，明知嘴裡的小小乳齒搖搖欲墜必定脫落無疑，但又常常希望它不要脫落，同時又茅盾地期待脫牙後可以品嘗雪糕冰涼甜入心的美好。又如青春期時突如其來的轉變，說話聲線由高轉到低沉如牛的疑惑，白雪的粉臉長出包膿暗瘡的恐懼，還有初次夢遺竊竊興奮與罪惡感的苦惱絞纏，總為青春添上一份初澀的期盼。到大學畢業，一方面與朋友們握手擁抱慶祝但又一方面暗地裡為自己的前途擔憂等等。

人的成長，是從每一個階段裡所經歷過的事情和轉變累積而來。當到達某個年紀，我們便會預期將會有甚麽事情發生，而這些經歷則會對我們的人生及心態作出相當程度的影響。

三十歲，經歷工作上的甜酸苦辣後，還有時間去為自己喜歡的前路再作打算。三十歲，成熟而不失魄力，確認自己的理想，努力向前衝像有金鐘罩。三十歲，找個終生伴侶，一同建立開心幸福家庭。三十歲，更會為身邊的好朋友開心幸福事業有成而感到快樂。這些事，都是我在三十歲時預期將會經歷的。

回來後休息了一天便上班。除了第一天上班日下雷雨之外，其餘日日是好日，陽光普照天氣清爽怡人，活在這個年紀，現在總是美好，對將來總是樂觀。

下午接了好友的來電，他告知了我一個消息，我們的一位舊同學豬女因癌症而離去了，日期正是我回來的那一天。

多麽的突然。

認識豬女已有十七年，雖然和她不是很相熟，但偶有見面。知道她患病已有好幾年，當時她因為要接受治療而延遲她的婚期。到去年，她終於與丈夫步入教堂。

還以為她打了場勝仗，而我，曾為她開心和慶幸，誰知…

三十歲，生命本應精彩，但可惜，豬女享受不到，更要在離開前受盡病痛的折磨。

三十歲，期盼本應快樂，我，還未有經歷朋友離去的預備。

三十歲，我想拒絕成長。

買錶陷阱

香港，人稱購物天堂，返到去唔買番D嘢，好似好有罪惡感。而手錶，就係我其中一個目標。

我呢亭曾經响香港生活過嘅自由人，梗係唔會白癡到貢去皇室買錶啦，而我嘅購物心態係只求穩鎮，所以，時間廊係最好嘅選擇。

時間廊嘅手錶，唔同牌子唔同款夾夾埋埋都有好幾千隻，邊隻好呢？咦，突然間諗起隻GS。嘩！唔得唔得，我咩身份呀？邊有咁多錢呀？想試錶都試唔起啦。仲有，呢種貨色，點會响時間廊揾到丫？

正當我苦惱緊嘅時候，抬頭一望，我見到一個係男人都爭住認話似佢嘅型男。

走入時間廊，就見到一大張吳彥祖海報掛响天花兼夾一大件吳彥祖T恤笠咗响售貨員身上，仲要一人一件添。呢種「鋪天蓋地」嘅宣傳，已經令由佢代言嘅手錶响過千隻手錶中顯突咗出嚟，吸引咗我嘅注意。

再睇吓價錢，兩千銀左右，唔係太貴啫。兩千銀買吳彥祖嘅品味，抵到爛啦。Seiko呢個宣傳策略，贏晒。

試戴隻錶，撓埋雙手，嘩，成個吳彥祖咁款，仲唔落疊？

就咁，乖乖地奉上兩千幾十大元，拎住隻手錶行出大門口，自覺胸肌都大舊D。

Seiko加吳彥祖，真係幾絕。

尋丫啟事

姓名：Gideon T.
別名：大鐵鎚
職業：工程師
樣貌：英俊
事發經過：火某於街上蹓躂三星期之久，足跡遠至台灣，但仍片尋大鐵鎚不果，而其網站亦連結不上接近一星期，本人極度擔心。

如有人發現大鐵鎚，請留言告知。
萬分感激，無以為報。

男人之最

灣仔某K房一角，枚王組有三男一女成員响度互片：

「十！嘩哈哈… April飲！」

April呷咗啖酒之後，電話突然響起。接過電話，神色凝重地講咗幾句之後，April再次掛起笑容，伸出玉手…

「五！到你飲。」

可惡呀，又俾April陰到。

April呢，係靚女一名，男仔頭性格，不拘小節，有時會覺得佢係儍儍地。識咗佢唔係好耐，同佢玩開，發覺原來佢都可以玩到好顛。

「喂喂喂Derek，你笑完未呀？笑完就準備飲酒囉喎，OK？嗱，聽清楚喇，十啦… 哈哈哈哈… 哈哈哈… 叫咗你唔好掛住笑架啦…」

望住Derek圓圓嘅面，一邊露出難以置信嘅表情一邊飲酒，我都笑到唔識停。

「喂繼續，十五！飲啦你…」

今次輪到成日攪屎棍嘅阿Ben。同阿Ben呢個老死識咗十幾年，由細到大佢都好鍾意攪攪震。呢排唔知佢係咪睇戲睇上腦，成鬼日學「國產零零漆」裡陳寶蓮出絕招時講果句「高…熱…火…焰…」，仲要做埋動作添。你話喇，有個咁嘅friend，係咪前世做得陰質事多呢？

阿Ben飲完後，就閃出咗個奸狡嘅眼神。十幾年老死，佢諗咩我會唔知？！

「十呀！騎騎騎騎…」我同阿Ben好合拍咁攤開咗隻手。

我可以發誓，我哋無事先夾定，完全係多年嚟嘅默契。

可憐嘅April又俾我哋局飲酒。

不過，我哋三個男人都唔係好得去邊，跟住都係嘢嘢中，灌咗好多酒精落肚。

我哋就係咁樣wing吓wing吓互片到天昏地暗，直到April個電話再次響起，果時，已經係半夜兩點。

April講完個電話後就話要走，然後就一支箭咁標咗出間K房。

呢個時候，响K房另一邊同歌星組唱緊歌嘅Lisa問我哋阿April做乜嘢，我哋話佢要走囉。跟住Lisa就話「你哋由得佢一個人走呀？」

係喎，都係飲酒累事，有乜理由半夜三更由得April一個女仔走架，起碼都要送佢上車啦。見阿Ben同Derek都結咗婚，無謂要佢哋送April咁尷尬啦。於是我話：「等我嚟。」

飄吓飄吓咁走去Lift口，唔見April，唯有等下架Lift上去地面睇吓April上車未。

到地面出咗Lift，見April一個人好愁咁開咗度的士車門上車。於是我就行近部的士同佢講：「April拜拜。」

April冷不防有人同佢講拜拜，於是就以本能反應好快咁彈咗句「哦拜拜。」

深宵二時嘅街頭，怪事特別多。嗱嗱嗱，話口未完，顯靈啦顯靈啦，靈異事件發生喇。

突然間，一件肥肥矮矮頭油姿粉貌似雷頌德（又雷頌德？？）嘅物體彈咗出嚟响我面前，然後用又憤怒又拗底又挑釁嘅眼神同語氣贈我一句「拜拜」，仲要同我揮埋手添，慌死我時運唔夠低睇佢唔到。

然後，呢件靈體就轉身上咗阿April架的士，然後「嘭」咗一聲巨響閂埋度車門，幾乎全個灣仔都聽到咁濟。

我即時笑咗出嚟。

係型嘅，就由得條女自己返屋企，然後自己去威。型唔起嘅，就請俾D風度，我都會睇得起你。

型唔起又無風度又要發條女老脾但係又拗底驚條女俾人搶，呢隻仲唔係男人之最？

追追趕趕

是次旅遊金句：

「家陣我放假，我係遊客，如果我放假時仲趕過返工，咁我不如返工？」

致魔術師

對淫嬸嘅裁判，我嘅睇法，係另一個角度而非純字面意思。

學生報最大嘅爭議，大約係兩條問卷式問題：
你有無偷睇過親人冲涼？
你會幻想同咩動物做愛？

唔好意思，就字面意思同引導方式，呢兩條問題都唔會令我引起性衝動。

反而報章嘅風月版，意淫成份十足。

又，學生們响學生報攪風月版攪出個大頭佛，罪魁禍首係邊個？佢哋學嘅又係邊個？

我嘅角度，係學生們都係報章風月版嘅受害者。

淫嬸判報章風月版為第一類「既非淫褻亦非不雅」物品，咁，會唔會又荼毒更多年青人，令佢哋失足更深呢？

或者可能我誤會咗魔術師，不過，魔術師你俾我睇到嘅係你認為要嚴懲一班被報章風月版荼毒咗嘅學生，但係對罪魁禍首嘅報章風月版又待以寬鬆嘅態度，咁對我嚟講係有D本末倒置，所以，我先幽你一默。


後加：關於召妓指南。

香港一般嘅召妓指南，都係介紹香港同國內嘅秘密風月場所。

請問，現時在香港同國內嫖妓，係唔係違法？

而引導他人違法，算唔算犯規？

點解，教人自殺、謀殺、吸毒、種大麻、提煉可卡因嘅書會被禁，而教人去邊度嫖妓嘅指南可以榮登第一類「既非淫褻亦非不雅」物品？

連結鹹網可以被罰，連結雞竇可以雅俗共賞？

小小女孩

大家樂買完飯，就去揾位坐。

去到一張四人枱，有兩個大男人坐响一邊食緊飯，就快食完。

另一邊，有一個小女孩，四五歲咁上下年紀。

我，拎住兜飯，就一嘢坐响小女孩側邊，開始食大家樂最出名嘅一哥焗豬扒飯。

食吓食吓，坐我對面嘅大男人食完飯走開咗。

然後，小女孩嘅媽媽買完飯返嚟，放低咗碟飯同凍檸茶响小女孩面前，然後企响到餵小女孩食飯，一碟兩份分。

哎吔好唔好意思呀我，原來我坐咗小女孩媽媽個位。清潔嬸嬸快啲執咗我對面位兜嘢啦，好讓我坐過對面位。

可惡嘅清潔嬸嬸唔知係有心抑或無意，遲遲都唔執對面位壇嘢，就算响我身邊經過都好似視而不見咁。著急嘅我心諗，鬼唔望香港好似外國咁，提倡自己執手尾，等你班盲人無晒嘢做，嘿！

諗還諗，現在嘅問題始終要解決，咁，我就大聲叫阿嬸：「唔該，可唔可以執咗呢堆嘢先呀？」

清潔嬸嬸依家先至埋嚟執嘢抹枱，然後我就坐過對面。小女孩媽媽就禮貌地同我講聲唔該。

媽媽坐低，繼續同小女孩食飯。

呢個時候，坐我隔離嘅大男人食完飯走埋。

小女孩好似食飯食到悶咁，開始週身郁。

週身郁呢，就終於出事喇。小女孩嘅小手打瀉咗杯凍檸茶。

媽媽連忙執番起隻杯，然後幫小女孩抹手。

小女孩開始鄒起眉頭扁起個咀問媽媽：「咁點呀？」

媽媽話：「咁無得飲啦…」

小女孩嘅眼晴開始變紅，一大粒眼淚標咗出嚟，然後用一個好猙獰嘅扭計表情一路喊一路罵媽媽「嘩… 嘩… 我唔鍾意你呀… 嘩…」

小女孩嘅温柔可愛，响呢一刻，消失得無影無踪。

我心所剩低嘅，係一團無明火同掌刮小女孩一把嘅衝動。

地鐵亂想

每次在這個地鐵站轉車，內心總不其然想起一句：

「踏出這扇門，就別要向後望。要專注，要比別人快，安心投胎去吧…」

啋啋啋！


蘋果裡的真面目

社會和真相之間，只是一線之差。

虛擬與現實之間，只隔一片琉璃。

文化之旅

回出生地，有一項節目我是必會做的，就是逛逛博物館。

先逛文化藝術中心的「不中不英」展覽。對不起，我不懂得欣賞。反而，其他展覽館的展品更能吸引我的興趣。參觀途中，一群天真爛漫的中學生正在展覽館裡穿梭在遊人之中跳跳扎扎地討論及研究博物館一日遊的功課內容，風頭完全蓋過展覽品。


三星閃爍 金沙流采


「蜀道之難難於上青天。蠶叢及魚鳧，開國何茫然。」

然後去到沙田的香港文化博物館參觀三星堆及金沙文化展覽，不得不佩服前人的手工藝。說的是公元二千至一千二百年前的文物，當時所打造出來的青銅大面具、金器、玉器等等，手工精細栩栩如生，而且還有細密的機關，為甚麼前人會有這樣的智慧？是有其他高等生物教他們造的嗎？金器玉器上的花紋，又有甚麽意思呢？古文明的神秘，最是吸引。

文化博物館除了有三星及金沙文化展覽外，還有「相裡‧鏡外」相機及圖片展。
嗯，古董徠卡…

不辭而別

我現在的心情是如何的複雜，你知道嗎？

五月下旬的那一天，我在香港某商場邂逅了你。原本，我一心只想幫你一把，誰知事情發展下去，是多麽的出乎我意料之外。

我很想你知道，我從來沒有對你說過半句謊言。只是，我隱瞞了我是過客身份。現在，我已經不在香港了。

琪，忘記我吧，不要再撥那個電話號碼了。我相信，你一定會找到你想要的人的。

請原諒我的不辭而別。

祝你生活愉快。


P.S. 睇嚟呢篇嘢會令人誤會，不過，一單還一單，一篇還一篇嘛。

優雅女生

突如其來的約會，很有趣，不過，你我就實在顯得太客氣了。

謝謝你的圖畫和抱抱。待熟絡些再有機會見面時，再看看是你辣，還是我好火？

你喺邊呀

Sara Sara，你喺邊呀？

鹿死追屍

不想提起，未敢忘記。

Sara吹雞，唔敢唔嚟。

人在中環

仰望七十

我的羽黨

新歌首播

Sir Paul McCartney 新歌 Dance Tonight。

Sir Paul McCartney 今次將新歌MV 放喺 YouTube 度作首播，與其俾人放上網，不如自己嚟，可以話係開創潮流。

依家聽Sir Paul McCartney 嘅歌，好似有D老土，話晒佢當紅嘅時候係 Beatles 果陣時。唔知點解，聽番Hey Jude、Michelle、Let it be 等等嘅歌就覺得好正，反而新歌就無乜吸引力，就好似阿麟伯咁，佢對上一次出碟有咩歌好聽唔好問我，我淨係聽佢八十年代出嘅歌啫。

既然係咁，Sir Paul McCartney 呢首 Dance Tonight，除咗喺 YouTube 度首播之外，仲有咩吸引到我嘅注意呢？

有，我鍾意 Natalie Portman。


世界末日

「有無諗過生唔生仔呢個問題？」

「都有嘅，不過生咗出嚟責任重大，又唔知世界變成點。如果世界立立亂嘅話，都唔知生佢出嚟係愛佢定害咗佢。」

「預言話八十年後先至世界末日，我哋呢一輩都可以生多一代嘅。」

「咁到時我個仔又話要生仔嘅話，咁我咪害咗我個孫？」

「唏，呢D嘢到時就由你個仔決定啦，依家擔心定咁長遠嘅事…」

「丫，不如就生咗佢出嚟，跟住就好似我隻貓咁，到差唔多時候就閹咗佢，咁咪得囉！」


天各一方

喺好耐以前，我寫過一個blog，
唔知你仲有無睇呢？
今日，你同我天各一方，
你有你嘅生活，我繼續我嘅忙碌，
但係假如有一日，
我哋真係喺路上高偶然咁撞倒嘅話，
我哋可能會點下頭，或者問候一下，
然後跟住就唔知講咩好。
因為你會發現，我已經唔係火鶴。
正如我可能唔再認得你，
但係，咁其實又有咩關係？
我只係知道，喺呢幾個星期，我要放大假。

Blog主遠遊，化身黄鶴。
休blog數星期至數月不等。
不定期到處留言／情模式中。

其實，乜嘢先至係真實而恒久嘅呢？
或者我應該就咁保存住呢一份希冀同埋渴望，
俾我相信世上有一個blog係垂手可得（註），
但係永遠係掌握之外。
有時，文字寫喺blog裡面，會化為binary number，
反而藏係心裡面，可以歷久常新。
貪求思慕只因痴，一切眼淚思憶都係徒然咋。


初現真身

阿大鐵鎚同70F都貼張相現真身。
我，資質愚鈍，學極都學唔到70F嘅攝影技術，
所以，我唯有用文字俾D提示大家做個拼圖…

1. 搽頭蠟搽到頭髮貼貼服服；
2. 眼鏡成寸厚；
3. 滿面暗瘡；
4. 皮黄骨瘦面青口唇白；
5. 著恤衫扣頸喉鈕兼攝衫腳；
6. 穿窄腳蘿白牛仔褲；
7. 白色運動襪；
8. 腳踏Mohawk波鞋。

响未來幾個星期，如果你見到個咁嘅茂利响條街度拎住個相機鬼鬼鼠鼠咁偷影女學生裙底，記得埋嚟揼我鑊金喎，唔駛留力，唔該！拜託！

死啦，我真身全現嘅日子好似越嚟越近啦。

有緣嘅話，書局或涼茶舖見。

（註）正字正確：唾手可得。

不再年青

乍暖還寒的天氣，正是開季的日子。

於冰涼的早上，做點點熱身運動，便開始比賽。

飛呀飛呀型呀型呀撲呀撲呀醒呀醒呀撻呀撻呀勁呀勁呀…

最終結果，是完封對手。

回到家中，整個背部劇痛。

原來，我已經不再年青。


世界圓 網絡世界更是圓

阿力呢番言論, 對我嚟講，微不足道。

當時發生過咩事，每個人，「心上自有權衡」。

就好似我對afterlife嘅睇法一樣，就算面對千千萬萬人的質疑扭曲，亦都絲毫無損無動搖過我嘅信念，我，只會一笑置之。

佢有佢表達意見嘅權利。

而我哋，只要認清同緊握我哋嘅信念，就已足夠。

唔知點解，我諗起（創世記2天地有情）中，古天樂臨死前見到陳錦鴻對佢講嘅一番說話：「阿力，辛唔辛苦呀？其實，我哋做錯咗…」

仲話我唔係電視精？

那年春夏之交的風波，隨著年月的洗刷，竟由重轉輕，幻化成一縷輕煙。

而這嬝嬝輕煙，正引領著我回家，一處和平安穩的棲息所。

（多謝70F）
_______________________________

「超！睬你都儍，咪嘈住我瞓晏覺。」

爪下無情

「呢位阿姐，你好似好唔妥阿樹熊先生咁喎。」

「係又點呀？」

「無，我驚你悶，想你有D嘢玩，有D寄託咁啫。」

「唓，我慣咗獨來獨往，其實你跟本都唔知我想要D乜，無啦啦硬質隻樹熊俾我，我唔開你拖都算俾面你喇。」

「我都係想你好啫。噢，樹熊先生，請你唔好介意，你就原諒呢位阿姐啦。」

「妖！你咪再質隻樹熊埋嚟呀！再係咁，咪怪我爪下無情呀吓！」

金句鶴王

打招呼

某人（快兩拍問）：How are the girls doing？

受害人：Good Good！


無米

阿媽：哎吔阿仔屋企無米啦…

阿仔（死撐咁話）：邊個話屋企無米？屋企大9把米…


無水

阿媽：哎吔阿仔屋企無水呀…

阿仔（好驚咁講）：吓唔係吓話，仲唔快D去「WAE」水？死啦死啦，男人最驚係無水…

阿爸（氣定神閒）：唓！女人仲驚無人娶，添…（高八度）


結婚

（接新娘前…）

攝影師：喂，俾D氣勢，整句口號啦。

新郎（好有氣勢咁嗌）：好！我要結好呢次婚！

損友甲（自言自語）：吓，呢次？你條衰仔仲想有下次？

損友乙（同新郎講）：喂唔係喎，有得揀，你至係老闆喎！你依家「TUN」呔都嚟得切架…

殊途同歸

一篇水蛇春咁長之餘又喋喋不休嘅文章，竟然揾唔到廁所位，多謝老兄。

又，其實你哋見過水蛇春未？係咪真係L咁長？

老兄一條水蛇春咁長嘅棒當頭一嘢扑落嚟，唔使揾水淋頭火某都即刻醒咗。

醒，係瞓醒個醒，唔係醒目個醒。

當初，我開blog嘅目的，係有包含憑互聯網文字嘅力量去批判別人嘅成份。所以，當時嘅我，好鬼好火，你惹我，我燒你全家，就算你無惹我，只要你講咗句我唔啱聽嘅說話，我都會燒你春袋，寫D有骨嘅嘢。

（小側田，你仲痛唔痛呀？D毛生番出嚟未呀？）

可是，自從我响blog界入面，認識到一班聰明、醒目、正面、樂觀、有智慧嘅虛擬朋友仔之後，睇住佢哋嘅文字，我就喺不知不覺間被佢哋感化咗。

火某幻想，如果第時有D未成年嘅孩子犯咗事要判入教導所接收感化嘅話，不如判佢哋睇晒我個blog list度所有人嘅文章仲好。睇晒佢哋所寫嘅嘢，一定比响教導所所學到嘅得到更多更多。

實不相瞞，到依家，我都仍然有批判人嘅心態。

雖然火某心中果一團火喺唔會熄嘅，不過，火氣就已經無以前咁猛喇。

回望呢幾個月自己寫過嘅文章，火某發覺自己原來已經好耐都無火燒春袋喇。寫嘅都係一D時事、個人感受同生活上嘅瑣碎事。

再睇番D留言者嘅留言，原來，留言者關心我個人嘅心情感受，係多過認同我對別人嘅批判。

老兄呢一條水蛇春咁長嘅棒，令我領悟到只要我肯睇開D包容別人，人哋就會自然樂意親近我關心我，令我知道就算現實生活上遇到嘅人係幾咁冷冰都好，只要返到屋企打開部電腦，見到有人話佢都好在乎我嘅時候，我都可以感受到一股甜甜嘅暖意。

某著名補習天王有一段大智慧：
「但是，甜味畢竟是太濃了，我小心地用長匙潛入海中，尋找一些酸味，改變現狀。我用力擠壓檸檬，視之為敵人，用力打碎它們，意圖改變一切。呀！酸味和甜味化開了，混和在一起了。原來，這就是真相─酸甜並有，也許，人生原來就應該這樣？」

如果，苦包容不到甜和酸，酸包容不到苦和甜，甜包容不到酸和苦，咁，我哋仲邊有咁好味嘅檸檬茶飲呀？

殊途同歸，有意思。

水蛇春咁長嘅CK老闆係我嘅榜樣。

共勉。

政治笑話

列根問戈爾巴喬夫：你收集不收集政治笑話？
戈爾巴喬夫回答：當然收集，我還收集講笑話的人，而且收集了兩個集中營那麽多。
（侮辱，葷笑話老頭 – 蔡瀾）

香港，為何會變成前蘇聯，有類似的政治笑話出現？

最低小結

最低工資呢壇嘢，真係可以花盡晒腦汁，拗到沒完沒了。

見豺狼兄呢個帶頭生事者話要寫個小結，唔爭在我都寫埋啦。

我個小結，其實係回答Sara嘅問題。

Sara，你睇我幾在乎你…

當然，我並唔係想改變其他人對最低工資嘅睇法，只係想意見討論及分享。

從網上看到一個觀點：

「有做嘢就要有飯食，唔識做嘢就要學到識做為止，講完，句號。」Car and Pier 9.5 - 最低工資 III

我同意呢點。

不過，我唔係「睇大數」嘅人，反而，我會睇政府有無新增其他任何福利配套措施去幫助「唔識做嘢嘅人學到識做為止」。

如果無嘅話，淨係實行最低工資就算，咁，我覺得，呢隻係政治牌，並唔係全心保障低收入人士以及其尊嚴。

「學到識做為止」，我理解為接受過高等及高質素教育。

要香港做到人人學做嘢學到識做為止，就必需要增加教育資源及資金，實行全面性的教育改革。

教育改革包括延長免費教育至中學畢業，以及70F成日掛响嘴邊嘅「小班教學」。

還有投放更多嘅撥款俾教育學院，引入更多人材，培訓高質素嘅教師去作育英材。

呢個係第一步。

等二步，係增加失業援助嘅福利。

如果要實行最低工資，一個健全嘅失業援助福利計劃係相當重要。

因為最低工資一定立，一定會出現一批失業大軍，佢哋可能係低技術工人，又或者係一啲支持唔住最低工資所帶嚟高成本而結業嘅中小企嘅員工。

而政府有咩失業援助措施可以幫到呢班人呢？

失業援助嘅福利措施，可以包括失業援助金、再培訓資助計劃、增加就業職位等等。

要實行一個新政策，就必先要了解現在的社會狀況，研究需要實行那種配套措施才可把新政策應用到預期嘅效果。

齋「睇大數」，就如啟德機場唔夠用，然後講一句「响赤鱲角起個超大嘅機場咪得囉」一樣。要起新機場，係咪先要攪好交通配套設施先呢？

齋起新機場而唔事先做好青嶼幹線及機場鐵路，起咗等於無起，係咪得不償失？

而我嘅立場，唔係唔贊成最低工資；

而係，政府要做好教育及福利、減少貧富懸殊差距先，才可實行。

Sara，依家正式答你問題：

你問：「貧富懸殊差距細，仲駛乜最低工資？」

政策分兩類，一類係「預防」，另一類係「改善」。

我對最低工資呢個政策嘅見解，係「預防」一啲貧富懸殊差距細嘅國家如果遇到經濟低迷嘅時候，唔會俾企業壓低工人嘅薪金到一個唔合埋嘅程度，而做成更大貧富懸殊嘅情況。

而最低工資，並唔係用嚟「改善」貧富懸殊，又或者「改善」低技術工人或窮人嘅生活質素。

基於上術我對最低工資嘅見解，再舉個例，或者你會容易明啲。最低工資就好似流感針咁，要响一個人無病無痛打先至起到「預防」作用。

如果一個人已經病到九彩，打流感針又有乜用？

係咪要先食藥，醫番好個身體先，然後再打流感針，咁樣係咪先至係正確嘅次序？

Sara，跑完呢場馬拉松後，我就嚟虛脫致死啦…

黑客自白

係呀喵妃，我呢，喺未夠三個月大果時，就俾隻長頸鶴「的」咗番佢屋企囉。果日，我見隻長頸鶴拎咗個幾得意吓嘅袋嚟，我咪好奇走入去睇吓玩吓囉。蝦… 點知原來係個圈套嚟，就咁，我就同爹哋媽咪兄弟姊妹分開喇，我阿媽成日都話curiosity kills the cat啦，唏，點知玩玩吓又唔記得添，damn it！响去長頸鶴屋企果時，我真係驚到震架，仲嗌足成程車添。點解咁驚？嘿，你無聽過十大名菜「龍虎鳳」咩？

之後對住長頸鶴耐咗，我都知佢都好錫我嘅，不過就用埋晒啲我唔係咁Li-Ke嘅方式囉。佢呀，呢隻衰鶴呀，都唔知係未心埋變態，成鬼日捉住我嚟抱，我最鬼憎人抱抱架喇，攪到我成身污糟晒，每日要我自己沖多幾次涼。仲有呀，佢又成日想同我梳毛，我一見到個梳毛刷就即刻扯火架喇，如果佢仲夠膽將個刷刷响我個身度，我真係同佢開拖架勢係假。話時話，我同佢都開咗N咁多次拖Lu，哼… 唔發火當我病貓啦嗱!

仲有呀，呢隻咁嘅長頸鶴，又成日無啦啦影我相。出去同啲女影咪算囉，返到嚟又要影我，影唔厭架咩？我都無佢咁好氣。

喂，喵妃，你樓下隻小野貓同我都有幾分似喎，性唔性感嘅先？仲有呀，你將佢改成同我同一個名，佢真係有番咁上下cutie至好喎，如果唔係呢，我實整多幾條血痕喺你條玉腿度，等你成個夏天都無得著短褲涼鞋，嘿嘿嘿嘿…

最低工資

最低工資係好係壞，係要視乎喺一個咩嘢嘅國家實行。

火某身處嘅國家，貧富嘅生活質素差距唔大，而且國家嘅福利好，所以，實行最低工資，係好事，因為：

= 國民可以接受高等教育，至少都可以保証中學畢業。而入讀大學及專上學院嘅機會亦較大，所以，擁有高學識嘅人，週街都係。
= 擁有高學歷嘅人，最低工資對佢哋嚟講，係無直接影響，亦無話對一啲上進勤奮嘅人唔公平，因為佢哋係唔咁心一世都攞最低工資嚟過生活。
= 喺經濟衰退嘅時候，最低工資反而可以保障到呢班接受過高等教育嘅人仍然可以得到合理嘅報酬同就業機會。而且，更唔會俾一啲低學歷兼自降身價到達無埋水平嘅人搶飯碗。
= 國家福利好嘅好處，係，就算公司真係唔掂要裁呢班人，政府都有失業救濟金俾佢哋，仲會安排佢哋去就業培訓，幫佢哋再揾工作機會。而佢哋亦唔驚會俾新僱主壓價，壓到無理嘅地步。
= 因大部份國民擁有高學歷，低技術員工就唔會有供過於求嘅問題，所以，最低工資，亦可以保障呢班小數低技術人員嘅基本生活需要。
= 最最最重要嘅係，呢度無源源不絕嘅黑工。

至於香港：

= 教育福利只到中三，中三畢業後就可以投身社會。如果實行最低工資，就會引伸兩個極端後果：
+ 譬如，最低工資係$6000，一個辨公室文員職位，由一名中三畢業生同一名中五畢業生爭，爭贏嘅就99%係中五畢業果個；
+ 中三畢業果個，就因為爭唔贏個文員職位，於是就去做洗碗打雜工作，人工都係$6000。呢位中三畢業生見自己學歷唔高，有前途有晉升機會嘅工又唔夠人爭，兼且$6000嘅收入都可以應付日常生活嘅需要，於是就樂意甘心去打呢份工。
= 基於上述兩個極端後果，高學歷果啲，就有飛黃騰達嘅機會。而低學歷果啲，就會繼續沉淪。
= 更何況，大陸有大量人材。$6000請個中三畢業，不如$6000請個國內大學畢業生。
= 咁，只會令貧富懸殊問題更加嚴重。
= 現今香港不設最低工資制度，咁，起碼，中三畢業生都可以將人工有彈性地降到，譬如$4000去攞一個機會。如果一設最低工資，呢班人，就會依賴一啲無前途嘅工作，咁就連一個向上爬嘅機會都無埋。


以上所講關於最低工資嘅睇法，其實有茅盾，而火某，亦無一個特定嘅立場，因為，最低工資唔係一條方程式，見人哋攪得好，就可以照辦煮碗放喺自己度希望攪好個經濟。最低工資有時會適用於某一啲國家，有啲國家就唔係咁適合。適唔適合，係要睇個國家嘅經濟環境、地埋環境、國家福利等等配套去衡量好定唔好。

火某認為：

設立最低工資，係保障擁有高學歷高智識嘅人。
不設立最低工資，係保障低學歷低技術嘅人。

最低工資問題，要分清楚邊樣係因，邊樣係果。
要實行最低工資，必先要增加教育福利以及減低貧富懸殊情況。
最低工資，並唔係用嚟減低貧富懸殊嘅靈丹妙藥。


公平與公義

= 設立最低工資，就一定有「公平」和「公義」？
= 「公義」個「公」，size does matter，要有幾多才算「公」呢？
= 世上有無「絕對公義」？


又丫，寫篇咁嘅嘢，真係辛苦過返工。
又又丫，今日食晏叫咗杯凍檸荼，一路飲一路笑。
又又又丫，Nowitzki...
又又又又丫，CB4...

檸茶自語

從來都不相信命運，縱使出生是如何的卑微，際遇是如何的不堪，只要有不死的意志及不屈不撓的精神，終有一日一定會出人頭地。天意弄人，只不過是給自己懶惰不濟的藉口罷了。

我，出生於一個貧窮的國家。那裡全年的平均氣温高達三十多度，潮濕悶熱，土地瘦脊。但是，我並沒有因為先天的惡劣環境而氣餒，反之我更努力壯大自己。雖然過程中或許會犧牲了一些弱者，但是，弱肉強食，就是大自然裡的一條定律。要生存，就必須要不惜一切地用盡任何方式去搶奪最多的資源，這是最基本的求生本能。如果要怪，就怪你們自己不夠狠心吧。

終於，我也不負自己的一番努力，茁壯成長。在一輪精挑細選後，我被選為出國的代表。出國前的一番磨煉，我更覺自己越來越芳香甘醇，越來越有味道。看來，被人賞識之日，不遠。而世上，是沒有懷才不遇的。

大世界裡，多姿多采。原來，不同的飲品有不同的性格。例如酒精，是刺激的。汽水，是開心歡笑的。不過，在芸芸眾多的飲品中，我總覺自己最特別，就是因為那淡淡的苦澀味，令人拋開煩念。而且，加入不同的飲品材料亦有不同的感覺。我最喜歡的，是和一種來自加洲的生果搭檔，酸酸的味道和苦澀混合，懂得欣賞的，必定是對生活有品味以及有要求的人。

最後，我們終被賞識。我們懷著興奮以及自豪的心情，被帶到桌上。

「你們怎麽… 怎麽把手指插進來？你們不是要把我們細意品嘗嗎？還有，為甚麽你們的手指充滿著海鮮的腥臭味？」

世上，是沒有懷才不遇的…

（586）

燃燒銀紙

獨個兒走進商舖，決絕的心情驅使急速的脚步步上二樓。

與售貨員喧寒一番後便開始正題。

不消一刻鐘的時間，便堅決地作出決定。

就這樣，把兩件新玩意帶回家。

「一失足成千古恨」，這是一個陷阱，一個無底深潭。

燃燒銀紙，原來可以有很多方式。


P.S. 火某對你並沒有不敬成份，反之極為欣賞，希望你不要介意。

低能一篇

610：喂喂，阿606，點解呢，啲人要改我哋個名叫做「樂樂」同「盈盈」嘅？

606：噢，其實呢，係因為啲人希望我哋落咗去香港自由行果時，唔好玩到樂極忘形咁囉。

610：哦，咁如果我哋真係玩到樂極忘形，咁會有咩後果呀？

606：如果係咁嘅話，就弊家伙喇。「樂樂盈盈」，仲唔係要受「烙刑」？

610：烙刑？咩嚟架？食唔食得架？

606：唔食得架儍豬，烙刑，係用燒紅咗嘅鐵，一嘢（辣）落個身度，好痛苦，好變態架！

610：嘩，淨係聽都驚，咁烙刑後會有咩後遺症呀？

606：咪會攪到個身一撻黑一撻白，好似熊貓咁囉！


是日評論

對於熊貓606改名為「樂樂」，本人深感超低能。

而熊貓610改名為「盈盈」，則勁攪笑。


小學生捉字蝨IQ題

「黑貓咩色？」

「黑色。」

「白貓咩色？」

「白色。」

「熊貓咩色？」

「（紅）色。」

「錯，再估。」

「……呀，係喎，係黑色同白色，好衰架，捉人字蝨…」

「都錯！」

「有無搞錯！咁係咩呀？」

「係好色。」

朋友距離

火某在火星的一班老友，相識已有數十年了，就如CK兄所說，算是識於微時，在沒有機心的情況下互相認識，這份友誼，特別珍貴。

火某這班老友，大部份也是較為平民化的，無論衣、食、住、行，也不是特別講究，而大家對事物的價值觀及對生活上的指標也頗為接近，應慳得慳。所以，我們互相也有共同生活在同一個層面上的感覺。

最近，一向草根的朋友L突然換了一輛名貴的開篷跑車，火某知道後的心情，並不是為朋友的新車感到興奮，而是感到一抹莫明的失落及恐懼。

失落及恐懼的原因，可不是出於妒忌或羨慕或自卑，而是，火某覺得和朋友L的距離拉遠了。

火某現在所賺到的，已經足夠應付照顧自己。火某一直認為，錢，夠用就可以了，賺再多的錢，也沒有意義。但是，當看見身邊的朋友向著高層次的玩意進發時，內心難免會有所失落。究竟，是朋友上進，還是貪慕虛榮？是自己知足，還是不思進取？

火某知道，如果一直和朋友處身在不同的層面上，好快，大家便會開始話不投機，繼而遂漸疏離。

友誼最大的考驗，不是真實身處的距離，而是階級上的距離。

這正是火某害怕看見的。

病入膏肓

長頸的妙用。雪… 雪…

有無人可以教我點樣响電腦度塗鴉呀？雪… 雪…

病上腦！妖妖妖！

長頸的妙用 2

心靈感應

心靈感應，係一種好虛幻，兼且無得解釋嘅超能力，火某相信有。

心靈感應係有別於默契，默契係可以培養出嚟嘅。就好似一隊籃球隊咁，幾個人一齊打咗幾年波，大家夾咗咁耐大概都會知道隊友嘅走位同習性，眨一眨眼就知道對方想點，當年Utah Jazz嘅John Stockton同Karl Malone咁夾，完全就係默契。

而心靈感應，就係天生嘅，並唔係長時間培養就會有。

火某對心靈感應嘅解釋係，每個人都會釋放出一啲微弱嘅腦電波信號，而每個人嘅腦電波都會成日轉去唔同嘅頻道。當兩個人嘅腦電波一齊轉到極為接近嘅頻道時，大家都會接收到大家嘅信號而感應到對方嘅思想同行為，就好似walkie talkie咁。

火某對Psychic嘅睇法，係佢哋嘅腦電波信號比一般人強，而且帶有侵佔性。佢哋睇人嘅過去同預知能力，火某認為有少少似電腦黑客，hack咗人嘅腦電波信號，攞咗人哋嘅資料，然後進行分析。當然，火某亦認為Psychic係帶有心理學成份，但係，佢哋有啲能力，係有別於常人嘅。

點解火某會相信有心靈感應呢種所謂嘅超能力呢？因為火某由細路仔果時開始，耐唔耐就感應到鶴爸爸嘅信號，而且，感應仲可以係隔咗成個地球咁遠。

話說某年夏天，火某回港工作。一天晚上，火某一個人响屋企百無聊賴唔知做乜，又無開電視睇，又無開收音機，住喺三十幾樓，間屋其實都幾靜吓。正當火某响度發緊吽竇之際，突然間喺耳邊聽到鶴爸爸叫咗火某一聲。話明一個人响屋企，間屋梗係無人啦，點會有人叫火某啫。於是，火某就拎起電話，打俾身處地球另一邊嘅鶴爸爸傾下偈。電話一打通，就即刻聽到鶴爸爸拎起電話响度喂、喂、喂。火某同鶴爸爸講話係我呀，打番嚟睇吓你哋點呀。跟住鶴爸爸就話：「我咁啱想打俾你，一拎起電話想打果時，就聽到你把聲咯。」

所以，火某係相信同鶴爸爸有心靈感應嘅。就算有朝一日要同鶴爸爸陰陽分隔，火某相信，火某仍然會聽到鶴爸爸嘅呼喚。
______________________________________

瞓醒一覺，諗諗吓，都係算吧，唉...

包裝先決

曾聽說過…
光圈先決
快門先決
以及平衡先決

火某則說
現在這個世界
無論人和物
全部都是包裝先決

包裝技巧

以前火某成日諗，點解人哋影D相會pro咁多嘅...

依家終於get到個包裝技巧啦，嘿嘿嘿嘿...

雖然唔知道個「© 2007」有無阻嚇作用，

但係，咁樣都幾型，吖！㊣㊣㊣㊣㊣，五個㊣！

閱讀背後

渣老闆寫書，火某又寫。

相信，喜歡寫作的朋友，必定是愛書之人。而喜歡寫blog的，亦如是。

火某自認懶散，看書的數量必定比大部份博客朋友少。

和渣老闆一樣，細細本容易食，絕對是火某的首選。

第一本令火某開竅的書，是畢華流的「主席手記」。相信這本書對大部份三字頭的朋友來說，也有很大的影響。

近幾年，喜歡上蔡瀾先生的散文集，幽默戲言、人生道理、旅遊記事、食經、下廚心得、名人逸事、銀幕背後、甚至黄色笑話，包羅萬有。

火某也愛書，但沒有甚麽怪癖，只要看到書內的文字便可以了。包書這玩意，令火某聯想到買一張名貴真皮沙發回家，然後用透明膠包著，要坐，就坐在膠面上一樣。太愛惜太保護書本，火某便覺得有點兒本末倒置。是人看書，還是書弄人呢？（這段可有得罪一眾喜歡包書的朋友了，見諒。）

讀書多，藏書量多的人，也未必是真正擁有書卷氣質的。有些人，會以培養年青人的閱讀興趣為由，常常推介一些又厚又艱深的書本給後輩。但是請試想想，要令沒有閱讀課外書習慣的年青人喜歡上讀書，給他們一本「資治通鑒」，行得通嗎？這些人，只是拿書本來炫耀自己所謂的書卷氣罷了，並不是真心培育年青人的。

書，沒有高低好壞之分，只有喜歡和不喜歡。又厚、用字又艱深的書本，並不等同權威。細細本、用字淺易的，並不等同垃圾。火某求學時曾上了一科 Technical Writing，課程內容是關於工作上文書來往信息傳遞的技巧，第一課第一樣所教的重點便是用最少最簡單的文字去表達自己的信息，複雜艱深故弄玄虛的文字只會增加誤會的機會，偽權威人仕深愛此道。

思考閱讀：戇豆


十級興奮

懶寫十日，未必無因。現實世界，多姿多采。

有靚靚女性朋友自遠方來，為平靜的心靈泛起輕輕的漣漪，為沉悶的生活添上點點色彩。

谷了半年的一口悶氣，終於吐了出來。兩星期內解決兩大死敵，暢快暢快！誰說友誼第一？

公司委派重任，雖無加薪，但獲尊重，滿足感，就係咁。


SONA

遲來的評語。

乜攪到咁科幻呀大佬…

妖妖妖妖妖！ 五個妖。（十二面夏娃，如果你有<妖>字印，記得send比我喎。）

話之得你

做做做做到腳都痛終於嚟到三十號嘅星期五咪話話話我唔做好呢份工呀一於準時熄電話任何Service Call一律免免免問話之得你唔等得嘅就去死死死啦咪L阻住我同班朋友一齊踏足阿阿阿美利堅有乜公司嘢就留返清明拜拜拜山先講依家最好就係見嘢就食係咁食食食食死佢見到邊個唔順超就揼係咁揼揼揼揼L7佢見床就瞓係咁瞓瞓瞓瞓死佢嘩咪啦都係趁記得拿拿淋掟定兩隻哥哥CD上車先一路揸車一路眼濕濕咁先夠過過過癮架嘛…

推理測驗

邏輯推理題：

請細心閱讀，然後作答。

A迷戀B足足十三年，A人生最大的目標是近距離接近B。

C為實現A的願望，除了不惜一切地把家產房屋變賣外，更把自己的腎臟賣掉，讓A有足夠的金錢去見B。

B知道這件事後，痛斥A的行為不正常及不正確。

C見A仍未能與B單獨見面，憤然留下遺書指責B沒有良心，然後跳海自殺。


問題：

誰是誰的父親？ （10 分）

誰是誰的偶像？（10 分）

誰人有精神病？（10 分）

誰人是「懶有型」的家長？（10 分）

誰人不忠不孝？（10 分）

誰人最自私？（10 分）

誰人最愚蠢？（10 分）

誰人最沒有良心？（10 分）

C的死，誰人該負上最大責任？（10 分）

誰人最抵死？（10 分）

她的出現

她的出現，令我的生活增添了不少樂趣。
她的出現，令我明白到人與人之間最好的相處方式是互相尊重。
她的出現，令我發現自己原來是會這麽的縱容。
她的出現，令我懂得怎樣保護弱小。

生日快樂！